Hîna 110 hezar koçberên Şengalê di nav 13 kampan de dijîn

Ajans

Koçberên Şengalê

Cînosîda Êzidiyan 12 sal derbas kirin û hê jî pirsgirêkên wan nehatine çareserkirin; bi sedan kes di nav kampan de dijîn û di zivistanan de li ber gefên sermayê û şewatê ne, ti sal derbas nabin, heke çend bûyerên agirpêketinê di nav wan çadiran de rûdibin û ziyanên madî û giyanî jê çêdibin; serma, herî û nebûna alavên xwe germkirinê yên pêwîst bi serê xwe ne, û di demsala havînê de jî germa û nebûna alavên xwe hênik kirinê, ji bilî gefa bûyerên agirpêketinê ne.

Daku em bizanin ta niha çi ji bo xelkê Şengalê hatiye kirin û qurbaniyên wan çend in, çend vegeriyane ser cih û warên xwe û çend kes hêj bêser û berin û rizgar nebûne, gorên bi kom çend bûne û çend hatine hildan û çend li bendê ne ku bên kolan? Hemû ev datayên hanê ji aliyê nivîskar û lêkolînerê Êzidî (Dawid Xetarî) ve hatine komkirin.

Li dor van datayan û cudahiya wan li gel datayên aliyên peywirdar û yên ku di dezgehên ragihandinê de tên belavkirin, Dawid Xetarî got: Ev datayên ku ezê rêz bikim, hemû datayên meydanî ne û ez bi xwe pê rabûme û ev ji encama lêgerînên min û dûvçûnên mine ku min kariye bi dest bixim.

Derbarê qurbaniyên destê DAIŞê, Dawid Xetarî dibêje: "Qurbaniyên destê rêxistina DAIŞ ya terorî dibin (7259) kes, û ji vê hejmarê, (1512) kes şehîd bûne, (1615) kes hêj bêser û berin û (4132) kes rizgar bûne.

Her weha di derbarê wan kesên ku ta niha li nav kampan dijîn de Xetarî got: Ta niha (13) kampên derbideran hene û ev kampên hanê li deverên cuda yên parêzgeha Duhokê û îdara serbixwe ya Zaxoyê ne. Heke em bi giştî bibêjin, hejmara derbiderên Şengalê (270) hezar kese, û ji vê hejmarê jî (110) hezar kes di nav çadiran de di nav kampan de ne û 160 hezar kesên din jî li derveyî kampan dijîn; çi xaniyên kirê ji xwe re girtibin, çi kesekî xaniyê xwe ji wan re vala kiribe yan jî xaniyên ji xwe re kirî bin.

Derbarê gorên bi kom jî, Dawid Xetarî aşkere kir û got: Ev gorên ku hatine tomarkirin, çi gorên bi kom bin û gelek kes di nav de bin, yan kesek di nav yek gorê de be, hejmara wan dibin (110) goristan; ji wan (82) goristan li devera Şengalê ne, û goristana Bîra Eloyê Anterî (Bîra Hemam) li bajaroka Eyaziye li qezaya Telefer li ser zêde bikin, û goristana nêzîkî deriyê Şamê li Mûsilê, û 17 goristan jî hêj nehatine hildan. Ji bo zanyariyê, goristanên mezin hemû hatine hildan, tenê goristanên biçûk nebin.

Li dor cenazeyên şehîdan, ên ku ji aliyê Rêveberiya Goristanên bi Kom û Nojdariya Dadî ve hatine radestkirin, Dawid Xetarî got: "Ta niha termê (298) şehîdan hatine vegerandin. Hinek termên şehîdên din jî hene ku hêj li fermangeha nojdariya dadî li Bexdayê ne, ta ku pêngavên nojdarî ji bo wan jî bên kirin, ji wan pişkinîna (DNA) li gel kesûkarên wan. Her gava ku ew pêngav hatin qedandin, ew jî dê bên vegerandin.

PUKMEDIA/ Kurdistanî Nwê