Xwendina Bilind: Mafê sê yekeman parastiye ku bi girêbest bên damezrandin

PUKMEDIA

Wezareta Xwendina Bilind a Herêma Kurdistanê

Wezareta Xwendina Bilind ya Herêma Kurdistanê ragihand ku, ew kesên bi şêwazê girêbestê di zanîngeh û navendên hikûmî de tên damezrandin û di heman demê de sê yekemên zanîngeh û peymangehan in, mafê wan ê sê yekemiyê dê parastî bimîne.

Rêveberê Giştî yê Fermangeha Kargêrî û Darayî li Wezareta Xwendina Bilind Dr. Tiwana Necef, ragihand ku, sê yekemên zanîngeh û peymîngehan dikarin daxwazê ji bo damezrandinê bi şêwazê girêbestê pêşkêş bikin, bêyî ku mafê xwe yê sê yekemiyê ji dest bidin.

Amaje bi wê yekê jî kir û got: Biryare di çend rojên pêş de platforma taybet bi damezrandina bi şêwazê girêbestê li Wezareta Xwendina Bilind were aktîv kirin.

Derbarê damezrandina sê yekeman de jî, Dr. Tiwana Necef tekez kir ku dosyeya sê yekeman li Encûmena Wezîran a Herêma Kurdistanê karê temam li ser tê kirin û tê parastin jî, ji ber ku bi qanûnî mafê wane ku bên damezrandin.

Ev yek di demekê de ye ku di 2ê 8ê 2026an de, Wezareta Xwendina Bilind, data û agahiyên giştî yên sê yekemên derçûyên salên 2017an heta 2025an ligel xwedanên bawernameyên dîploma bilind, mastêr û doktorayê yên ku heta niha nehatine damezrandin, ji bo dabînkirina mîlak û bûdçeyê ji bo wan di terxana darayî ya sala 2027an de, şandine Encûmena Wezîran.

PUKMEDIA