3`Tebaxê roja kareseta Êzidiyane

Kurdistan 10:14 AM - 2026-08-03

3 tebaxê roja kareseta Êzisiyan

Di 3`ê Tebaxa 2014an de, terorîstên DAÎŞê êrîşî qezaya Şingalê kirin û piştî pevçûnên di navbera terorîst û beşekî ji pêşmergeyên wê qezayê de, qeza ji aliyê DAÎŞê ve hate dagirkirin û îro jî 11 sal di ser wê êrîşê re derbas dibin.

Beşek ji welatiyên wê deverê ku piraniya wan Êzidî ne, ji tirsa hovîtiyên terorîstan berê xwe dane çiyayê Şingalê, hindek jî ketine destên terorîstên DAIŞê û bi awayekî hovane mêr şehîdkirin û jin û keçên wan pê bazirganî kirin û birin navçeyên di bin kontrola wan de li Sûriye û Îraqê, beşeke din ji keç û jinan wek diyarî ji serkirde û fermandarên DAIŞê re hatin dayîn.

DAIŞê komkujî pêk anî

Bi dagîrkirina navçeya Şingalê û derdora wê re DAIŞê dest bi komkujiyan kir û çend welatiyên sivîl yên wê deverê şehîd kirin.

Bi firokeyan xwarin û alîkarî ji penaberên li Çiyayê Şengalê re hatin şandin
Ji ber hebûna hejmareke zêde ya welatiyan li çiyayên Şingalê û rewşa nebaş ya jiyana wan, destpêkê av û betanî ji firokexaneya Bexdayê û xwarin û ji Herêma Kurdistanê xwarin û kelûpel wergirtin.

DAIŞê Êzdî serjê dikirin

DAIŞê serê 80 zilamên Êzîdî li gundekî Êzîdiyan kirin,û bi kamyonan êrîşî gundekî kirin û ji wan xwestin ku ew bibin Misilman, lê wan pesend nekir û piştre DAIŞê di nav demjimêrekê de 80 zilamên Êzîdî ji gund kom kirin û serê wan jê kirin û hemû jinên wan ber bi gundê Tileferê ve revandin.
Ji her alî ve hêz ketin Şingalê
Dagirkirina Şingalê hêzên çekdar yên her çar parçeyên Kurdistanê bersiv da û ji bo vê jî gerîlayên PKK’ê weke hêzeke Kurdistanî ji bo alîkariya Êzdiyan xwe gihandin navçeyê.

YNKê mefrezeyek ava kir

Li hember koçberbûna welatiyên Êzîdî ber bi çiyayê Şingalê ve, ew hêzên biçûk yên Pêşmerge ku li nêzîkî wê mane hemû hêzên YNKê bûn û erkê wan ew bû ku welatiyên li çiya ji terorîstan biparêzin daku komkujî çênebe, heta ku ji destê terorîstan bên rizgarkirin, zêdetirî 100 pêşmergeyên YNKê di berevaniyê de şehîd bûne û xwe ji bo parastina Êzdiyan kirine qurbanî.

Êzidî xwediyên ola herî kevn a Êraqê ne

Êzidiyên ku demeke dirêj li Şingalê ne, xwediyên ola herî kevn Ya Îraqê ne hejmara wan di navbera 600 û 650 hezar kesî de ne di dîrokê de bi 73 qirkirinên komî re rû bi rû mane, ya herî dawî di destê DAIŞ’ê de ye.

Jenosîda Êzdiyan

Piştî dagirkirina ŞIngalê, di 15-8-2014’an demjimêr 23:00’an de terorêstên DAIŞ’ê tawanên herî hovane li dijî şêniyên Êzidî yên gundê Koço pêk anîn, bi biryarê tawanbarê DAÎŞê Waliyê Mûsilê Ebû Lays ku navê wî yê rast Ridwan Talib Hemdûn e nêzîkî 500 ciwan û jin li cihên cuda hatin kuştin û di 16 gorên komî de hatin bin axkirin, her weha bi sedan jin û keçên wan jî li bazarên Mûsil û Sûriyê hatine firotin, û rastî destavêtinê hatin û bi awayekî ne mirovane ew hatin firotin.

Lêpirsîn bê encam bû
Piştî derbazbûna demek e dirêj li ser jenosîda Şingalê, encamên komîta lêkolînê ya ji bo ji dest dana Şingalê hate avakirin, navên 30 fermandarên leşkerî yên Pêşmerge ku bi jidestdana Şingalê tên tawanbarkirin li cem rayedarên herêmê ye.

PUKMEDIA