Piştî têkilî û erkên dîplomatîk ên berfireh.. Trump ragihand ku êrîşên li ser Îranê tên rawestandin

PUKMEDIA

Serokê Amerîkayê Donald Trump

Serokê Amerîkayê Donald Trump ragihand ku Amerîka û Îsraîl li ser daxwaza Tehranê û welatên din ên herêmê li hev kirine ku êrîşên ku ji bo li dijî Îranê hatibûn plankirin ragirin, bi mercê ku di zûtirîn demê de bigihîjin rêkeftinekê.

Trump di peyameke xwe de li ser platforma xwe "Truth Social" got ku Amerîka amade ye ku Komara Îslamî ya Îranê bi astên terora leşkerî û hêzeke ku ji Şerê Cîhanî yê Duyemîn ve nehatiye dîtin de lê bixe.
Lêbelê, Îranê û welatên din ên Rojhilata Navîn nû ji me xwestin ku em her êrîşekê rawestînin. Li ser vî daxwazî, min qebûl kir ku êrîşê betal bikim, bi mercê ku di zûtirîn demê de bigihîjin rêkeftinekê. Îsraîl jî di vê pabendbûnê de beşdarî min dibe.

Wî diyar kir ku rêkeftina pêşniyarkirî vekirina tavilê û tam a Tengava Hurmuzê û bidawîanîna gefa nuklerî ya Îranê ku wî daye tomarkirin, dihewîne û da zanîn ku wî qebûl kiriye ku êrîşê betal bike ji bo berjewendiya cîhanê û her wiha ji bo pêşeroj û geşepêdana Îranê. Û tekez kir ku Îsraîl jî beşdarî vê pabendbûnê ye.
Torê nûçeyan a CBS News ragihandibû, ku Waşinton û Tel Ebîbêpilan danîbûn ji bo destpêkirina kampîneke leşkerî ku binesaziya enerjiyê ya Îranê armanc bike, ku berî Trump gotibû eger rageşî berdewam bike wê zext li ser Îranê bike.
Wezîrê Derve yê Îranê Ebas Êraqçî hişyarî da ku her çalakiyeke leşkerî ya nû ya Amerîkî an Îsraîlî dê bi bersiveke "yekalîker û guncaw" re rû bi rû bimîne, di heman demê de Wezaretê tekez kir ku Tehran dê hemû rêbazan bikar bîne da ku parastina ewlehiya xwe ya neteweyî û berjewendiyên xwe bike.

Ger hewldanên dîplomatîk di serxistina têgihiştina ku Trump behsa wê kir de serketî bin, ev yek dikare bibe guhereke girîng di rêça krîzê de, lêbelê her peymaneke dawî hîn jî girêdayî erêkirina hemû aliyan û bicihanîna pabendbûnên ewlekarî û siyasî yên ku tê de danûstandin tên kirin e.

PUKMEDIA