Îraq û Turkiye ji bo berdewamiya hinardekirina petrolê bi riya Bendera Ceyhanê peyman îmze kirin

Ragihandina Wezareta Petrolê

Civîna şandeyên Îraq û Turkiye li Enqerê

Wezîrê Wuze û Çavkaniyên Xwezayî yê Turkiye, Alparslan Bayraktar, îro, Şemî rêkefta (01-08-2026).an, îmzekirina peymanek di navbera Bexda û Enqerê de derbarê bikaranîna hêla petrolê ya ku heta bendera Ceyhanê ya Turkiyê dirêj dibe ragihand.

Bayraktar di daxuyaniyên rojnamevaniyê de got:Îraq û Turkiye di derbarê bikaranîna hêla petrolê ya ku dirêjî bendera Ceyhanê ya Turkiyê dibe de peymanek îmze kirin, bi armanca xurtkirina hevkariya petrolê di navbera her du welatan de û hêsankirina veguhastin û hinardekirina petrola xav ya Îraqê.

Îro li bajarê Enqerê civîneke berfireh di navbera rayedarên Îraqî û Turk de hate lidarxistin.

Li gorî daxuyaniyek ji Wezareta Petrolê ya Îraqê, "Aliyê Îraqî bi serokatiya Wezîrê Petrolê Basim Mihemed Xudeyr El-Ebadî, û aliyê Turkî jî bi serokatiya Wezîrê Wuze û Çavkaniyên Xwezayî yê Turkiyê Alparslan Bayraktar bû.

Di daxuyaniyê de hatiye:Di civînê de li ser rêkeftinek ji bo veguhestin û barkirina petrola xav ya Îraqê bi riya boriya Îraq-Turkiyê bo bendera Ceyhanê ya Turkiyê gotûbêj hat kirin,rêkeftin dê ji bo salekê be, heta ku rêkeftinek çarçoveyî ya ku çend kertên (kareba, çavkaniyên avê û petrol) vedihewîne, bi dawî bibe û hat destnîşankirin ku "kêmtirîn birê hinardekirina petrola xav ya Îraqê dê rojane 750 hezar bermîl be.

Berdevkê Wezareta Petrolê ya Îraqê Selîm El-Rikabî îro di destpêka vê peymanê de ragihand ku armanca vê peymanê ewe ku berdewamiya hinardekirina petrola xav Ya Îraqê bi rIya bendera Ceyhanê ya Turkiyê misoger bike û dazanîn ku "peyman ji aliyê Îraqê ve Kompaniya Bazarkirina Petrolê ya (SOMO) û Kompaniya Petrolê ya Bakur, û ji aliyê Turkiye ve jî Kompaniya Turkî BOTAŞ li xwe digire.

Her weha got:Peyman şiyana hinardekirinê ya rojane 750 hezar bermîl destnîşan dike ku bidestxistina van biran bi başkirina mercên ewlehiyê li Herêma Kurdistanê û vegera kompaniyên biyanî, ji nûve destpêkirina hilberînê li herêmê, û her weha veguhestina petrolê ji başûr ber bi bakur ve girêdayî ye.

Navbirî tekez kir ku, ev peyman wek pêşgotinekê ye ji bo peymanek berfireh ku armanc dike şiyana hinardekirinê ji milyonek bermîlan zêdetir di rojekê de, piştî temamkirina boriyê (Besre - Hedîse - Kerkûk - Ceyhan) zêde bike.

PUKMEDIA