Amadekariyên vegera koçberên Serêkaniyê bo warên xwe didomin

ANHA

Koçberên Serêkaniyê

Amadekariyên vegera koçberên Serêkaniyê bo malên wan didomin û tê payîn ku hefteya bê nêzîkî 500 malbat vegerin warên xwe.

Li gorî çavkaniyên xwecihî,  Komîteya Koçberên Serêkaniyê lîsteya navên 500 malbatên ku dê vegerin warê xwe, wergirtiye û dê pêvajoya vegerê hefteya bê dest pê bike.

Her weha lîsteya ku şandeyê radestî komîteyê kiriye, ji malbatên ji gundên di navbera Til Temir û Zirganê de û gundên li başûrê bajarê Serêkaniyê pêk tê, ku 140 malbat ji taxên navenda bajarê Serêkaniyê ne, ev malbat dê di karwanê yekemîn de berê xwe bidin warê xwe.

Komîteya Koçberên Serêkaniyê ji bo mekanîzmaya vegerê civînek li dar xistin, di heman demê de ji bo gotûbêjkirina pêşkêşkirina piştgiriyeke mirovî ji bo malbatan, civîneke din bi endamên komîteyê û nûnerên rêxistinên mirovî re çêkir.

Li gorî ajansa ANHAyê biryare pêvajoya vegera malbatên Koçberên Serêkaniyê hefteya bê dest pê bike.

PUKMEDIA