Yekemîn karwana pirtûkên nû yên xwendinê gihîşt Silêmaniyê

Rêveberiya Perwerdeya Silêmaniyê

Wêneyê Karwana Pirtûkan

Yekemîn karwana pirtûkên nû yên xwendinê ji bo sala nû ya 2026 - 2027 gihîşt beşa embarên ser bi Rêveberiya Giştî ya Perwerdeya Silêmaniyê ve.

Rêveberiya Giştî ya Perwerdeya Silêmaniyê ragihandiye: Di çarçoveya amadekariyên berdewam de ji bo dabînkirina pêdiviyên destpêkê û peydakirina jîngeheke guncaw ji bo destpêka sala nû ya xwendinê, yekemîn karwana pirtûkên nû yên xwendinê ji bo sala nû ya 2026 - 2027 gihîşt beşa embarên ser bi Rêveberiya Giştî ya Perwerdeya Silêmaniyê ve.

Rêveberê beşa embaran li Silêmaniyê Mihemed Mîre di vê derbarê ve ragihand: Ev karwana pirtûkan beşek e ji bernameyên xwendinê yên qonaxên cuda û pêvajoya wergirtin û polînkirina wan jî dest pê kiriye, bi armanca amadekirina wan ji bo dabeşkirinê li ser navendên xwendinê di dema xwe de.

Rêveberiya Giştî ya Perwerdeya Silêmaniyê diyar jî kiriye ku, hemû hewlên xwe dane da ku berî destpêkirina sala nû ya xwendinê, hemû pirtûk û pêdiviyên lojîstî bigihînin destê xwendekaran.

PUKMEDIA