Civata Asayîşa Neteweyî:Divê Îraq ji aloziyên herêmî dûr bibe

Ofîsa Rojnamevanî ya Serokwezîrê Îraqê

Civîna Civata Asayîşa Neteweyî

Serokwezîrê Îraqê Elî Zeydî û fermandarê giştî yê hêzên çekdarî îro Çarşemê civînek awarte ya Civata Asayişa Neteweyî li dar xistin ji bo gotûbêjkirina rewşa ewlehiyê ya li Îraqê û êrîşên esmanî yên Amerîka û Siûdiyê yên ku hejmareke sivîlên bêguneh kuştin û birîndar kirin,civatê êrîş şermezar kir, ku di demekê de pêk hat ku hikûmeta Îraqê bi aliyên peywendîdar re di têkiliyê de bû daku hemû fikarên ku ji hêla Erebistana Siûdî û Amerîkayê ve hatine raberkirin lêkolîn bike û çareser bike,ew axa Siûdiyê armanc digirtin.

Civata Asayîşa Neteweyî biryar da ku ji bo ewlehiya welêt pilaneke ewlehiyê ya berfireh amade bike û li dijî her binpêkirina serweriya Îraqê derkeve û pêşî li her cûre gefê li welatên cîran bigire.

Her di civînê de civînê her wiha helwesta tund ya hikûmetê li dijî her kiryareke êrîşkar, bêyî ku sûcdar yan hincetên pêşkêşkirî çi bin, ji nû ve tekez kir û tekez kirin ku hikûmeta Îraqê û saziyên wê yên destûrî berpirsiyariya taybetî ya li hemberî êrîşên bi vî rengî hene.

Her weha civatê,pabendbûna hikûmetê ji bo xurtkirina aramiya herêmê, beşdarbûna çalak di aştî û ewlehiya navneteweyî de, û pejirandina siyaseteke derve ya li ser bingeha diyalog, hevkariyê, ji nû ve piştrast kir rêzgirtin ji bo yasayên navneteweyî û prensîbên cîrantiya baş, di heman demê de bang li hemû aliyan tê kirin ku xwe ji kiryarên ku bê aramiyê zêde dikin dûr bigirin.

Civata Asayîşa  Neteweyî pabendbûna xwe ya ji bo pêkanîna peymana ewlehiyê ya vekişîna hevpeymaniya navneteweyî heta dawiya Îlona 2026.an û temamkirina rêkarên ji bo yekkirina çekan di bin kontrola dewletê de ji nû ve tekez kir.

PUKMEDIA