Trump:Emê bi tundî li Îranê bidin û ewê têk biçe

Ajans

Trump

Serokê Amerîka Donald Trump îro roja Çarşemê di hevpeyvînekê de li ser medyayê got ku ew li ser êrîşan li dijî alîgirên Îranê hizir dikin, û milîsên ku ji hêla Îranê ve têne piştgirîkirin wekî "Penceşêra cîhanê" bi nav kir.

Derbarê Îranê de, Trump got:Ezê bihêlim ku ew biaxivin, û Amerîka dê li hember êrîşên ku li Urdunê armanc girtine, li wan bixe.

Serokê Amerîka zêde kir ku êrîşên Amerîka-Siûdiyê yên li dijî milîsên ku ji hêla Îranê ve têne piştgirîkirin bi hemhengiya bi hikûmeta Îraqê re hatine kirin, û soz da û got:Emê waneyek dijwar bidin Îranê û ewê têkçûnek mezin bibînin û emê bi tundî li Îranê bixin.

Di hevpeyvîna xwe ya bi Fox News re, Serok Trump soz daku piştî ku artêşa Amerîka ragihand ku wan çend mûşekên balîstîk yên ku ji hêla Tehranê ve ber bi hêzên Amerîkî yên li Rojhilata Navîn ve hatine avêtin, desteser kirine, dê derbeyek bihêz li Îranê bide.

Artêşa Amerîka îro ragihand ku wan bi hêzên çekdar yên Siûdî re li Îraqê li dijî komên çekdar yên ku ji hêla Îranê ve têne piştgirî kirin, êrîşên hevbeş pêk anîne.

Di daxuyaniyekê de ku ji aliyê Fermandariya Navendî ya Amerîkayê (CENTCOM) ve hatiye weşandin wiha tê gotin: Fermandariya Navendî ya Amerîka û Hêzên Çekdar yên Erebistana Siûdiyê di 28ê Tîrmehê de li Îraqê êrîşên hûrgelî pêk anîn, terorîstên ku ji aliyê Îranê ve tên piştgirîkirin û ji aliyê Supaya Pasdarên Şoreşa Îslamî ya Îranê ve hatine ferman kirin ku êrîşî hêz û binesaziya wuzeya Amerîka li Erebistana Siûdî bikin armanc.

Ji aliyê xwe ve, Wezareta Parastinê ya Siûdiyê ragihand ku, bi hemahengiya Fermandariya Navendî ya Amerîka, îro roja Çarşemê li dijî armancên milîsên ku li Îraqê dixebitin û bi êrîşên li ser tesîsên petrolê yên Siûdiyê ve girêdayî ne, êrîşên hûrgelî pêk anîne.

Wezareta Parastinê ya Siûdiyê  aşkere kir ku êrîş mafê xwezayî yê Riyadê yê parastina xwe û hebûnên xwe û mafê wê yê bersivdayînê di dem û cîhê ku ew hilbijêre de piştrast dike.

PUKMEDIA