DNO: Berhemhênana me ya petrolê li Kurdistanê %99 daketiye

Malpeta kompaniyê

Kompaniya DNO

Kompaniya DNO ya Norwêcî ragihand ku wê hilberîna petrolê li kêlgeha Tawkê ya li Zaxoyê dest pê kiriye, lê amarên hilberînê yên kompaniyê yên çaryeka duyemîn a îsal kêmbûneke mezin û pîvanî nîşan didin, ji ber aloziyên ku dever rastê hatiye û rawestana demdirêj a hilberîna neftê.

Kompaniyl di daxuyaniyekê de got: Wê di 28ê Hezîranê de li kêlgeha Tawikê û di 11ê Tîrmehê de jî li kêlgeha Pêşxabûrê dest bi kar kiriye.
Amarên kompaniyl diyar dikin ku hilberîna petrolê di çaryeka duyemîn a îsal de tenê bûye 273 bermîl di rojekê de, û bi rêjeya %99.9 kêmbûnek tomar kiriye, li gorî çaryeka yekemîn a sala 2026an ku tê de 39.600 bermîl di rojekê de dihatin hilberîn.

Her weha kompaniyê di daxuyaniya xwe de da zanîn ku qebareya hinardekirina petrolê ji Herêma Kurdistanê ve di çaryeka duyemîn a sala niha de gihiştiye sifirê, lê di çaryeka yekemîn a sala niha de rêjeya firotanê gihiştibû 14.753 bermîlan.
Tekez kir ku bilindkirina asta hilberînê li kêlgehên Herêma Kurdistanê bi rêya aştîbûna rewşa ewlehiyê ya li herêmê û pêşxistina karên teknîkî yên li kêlgehan ve girêdayî ye.

PUKMEDIA