Wezareta Petrolê hinardekirin û dabînkirina berhemên petrolê gotûbêj dike

Ragihandina wezaretê

Wêneyê Civînê

Wezareta Petrolê ya Îraqê tekezî li ser girtina ber çareyan ji bo rûbirûbûna bandorên rawestandina hinardekirina petrolê bi rêya benderên başûr ve ji ber qeyrana Tengava Hurmizê dike.

Di daxuyaniyekê de ku kopiyek ji PUKMEDIAyê re hatiye, Wezareta Petrolê ragihand ku îro şemiyê 25ê tîrmeha 2026an, Wezîrê Petrolê yê Îraqê Basim Mihemed Xizêr El-Ibadî serokatiya civîna şaneya qeyranan kir ku hejmarek ji berpirsên wezaretê û rêveberên giştî tê de amade bûn ji bo gotûbêjkirina pêşhatên rewşa petrolê û tedbîrên pêwîst ji bo piştgiriya xezîneya dewletê, ji bilî çalakirina hewlên nîştimanî ji bo temamkirina projeyan.

Herwiha, di civînê de dosyeya dabînkirina berhemên petrolê û girtina ber rêbazên misogerbûna berdewamiya dabînkirina wan û tijîkirina pêdiviyên bazara navxweyî di vê rewşa ne îstîqrar de hate gotûbêjkirin.

Her di wê daxuyaniyê de, Wezareta Petrolê ya Îraqê da xuyakirin ku şopandina pêşhatan û girtina ber çareyên guncaw ji bo parastina îstîqrara dabînkirina petrolê û xurtkirina şiyanên wê sektorê ji bo rûbirûbûna aloziyan berdewam e.

PUKMEDIA