Civata Wezîran bo berjewendiya xelkê biryarên girîng derxist

Hikûmeta Herêma Kurdistanê

Civîna Civata Wezîrên Herêmê

Îro, 22ê Tîrmeha 2026an, Civata Wezîran ya Herêma Kurdistanê civiya û hejmarek mijarên girîng ên têkildarî ewlehî, xizmetguzarî û karûbarên giştî gotûbêj kirin
.
Li gorî daxuyaniyek ji Hikûmeta Herêma Kurdistanê, di destpêka civînê de, Civata Wezîran êrîşên li ser Herêma Kurdistanê bi awayekî herî tund şermezar kir û dubare kir ku Herêma Kurdistanê ne beşek ji şer û aloziyên herêmê bûye û her tim hewl daye ku bibe faktorek ji bo aşti, aramî û ewlehiyê, û ji ber vê yekê banga bidawîkirina van êrîşan kir.

Li gorî daxuyaniyê, di beşa yekem ya civînê de, Wezîrê Navxwe pêşniyar kir ku dema cîbicîkirina biryareke berê ya ivata Wezîran ya derbarê efûya binpêkirinên trafîkê de were dirêjkirin.

Piştî gotûbêjan, Civata Wezîran bi yekdengî pêşniyara ji bo efûkirina %20 pesend kir,ji sizayên trafîkê ji 1ê Tîrmeha 2026an heta 31ê Kanûna Pêşîn a 2026an, bi armanca ku derfetên zêdetir ji welatiyan re peyda bike û dayîna sizayên wan yên berhevkirî hêsan bike.

Piştre Wezîrê Demkî yê Çavkaniyên Siruştî raporteke berfireh li ser rewşa sotemeniyê li Herêma Kurdistanê pêşkêş kir, û amaje bi gavên wezareta xwe kir ji bo kêmkirina bihayê Benzînê li bazarên herêmê û sivikkirina barê li ser welatiyan.

Di civîna Civîna Wezîran de, Wezîrê Karebayê raportek li ser rewşa karebayê pêşkêş kir û ji bo berjewendiya aboneyên Tora Elektrîkê ya Neteweyî çend pêşniyar danîn pêş.

Civata Wezîran, piştî gotûbêjan,pêşniyarên Wezareta Karebayê ji bo hêsankirina dayîna deynên karebayê yên kom bûyî ji bo welatiyan pesend kir, bi efûkirina beşek ji deynên bermayî.

Li gorî biryara C Wezîran, divataê ji bo deynên komcivandî yên kooperatîfên malbatî û çandiniyê %50 daxistin were sepandin, wekî din, ji bo deynên hevparên di kertên pîşesazî, bazirganî û giştî de %25 daxistin dê were dayîn.

Di heman demê de tekezkirin ku ev kêmkirin tenê deynên kevn yên ji beriya destpêkirina projeya Ronakî vedigirin, ne dravdanên mehane yên projeyê,ji ber vê yekê, divê hemû mişteriyên karebayên dravdanên xwe yên mehane di wextê xwe de bidin daku domdariya projeya karebayê ya 24 demjimêrî misoger bikin.

Di dawiya civînê de, Serokê Sekreteriya Civata Wezîran derbarê nûkirina destûra bê mûçe ya karmendên Herêma Kurdistanê de çend pêşniyarên taybet pêşkêş kirin.

Piştî gotûbêjan, Civata Wezîran pêşniyarên ku armanca wan yekkirin û nûjenkirina rêkarên têkildarî destûra bê mûçeyî li gorî pêdiviyên yasayî ne, pesend kir, bi taybetî, yasaya nû ya xanenişînî ya Yekgirtî û yasayên din yên xizmeta giştî yên pêwendîdar, ku ji bo wan pêşniyar li CIivata Wezîran, Wezareta Darayî û Aboriyê, û cIVATA Giştî ya Dadweriyê hatine kirin, Li ber çavê vê biryara Civata Wezîran, rênameyên pêwîst di vî warî de derxînin.

PUKMEDIA