Welatî zerermendên yekem yê ragirtina karên Dana Gaz in

PUKMEDIA

Qeyrana gaz û karebayê li herêmê

Ji ber dirustbûna gefên ewlehiyê li qada Kormor, hilberîna gazê bi awayekî demkî hate rawestandin, û bi vê yekê zêdetirî şeş milyon welatiyên Herêma Kurdistanê bê kareba man, bi cûrekê di her rewşeke nebaş de, santrala karebayê ji kar dikeve, ku ev yek dibe sedema qutbûna karebayê û barekî aborî dixe ser milê welatiyan,her çend di destpêkê de biryar hatibû dayîn ku gaz demkî were qutkirin jî, lê vê rewşê dirêj kir.

Tevî ragihandina 'Projeya Ronahiyê' (karebaya 24-demjimêrî), hikûmeta herêmê, ji ber nebûna karebayê, serî li miwelîdeyên taybet dide û ji wan dixwaze ku karebayê bidin welatiyan.

Osman Mihemed Serokê Civata miwelîdeyên Silêmaniyê radigihîne:Niha, miwelîde li hindek taxan dest bi kar kirine, lê hinek ji ber pirsgirêkên miwelîdeyên xwe naxebitin.

Her weha got: Hat ragihandin ku mekanîzmaya xebitandina miwelîdeyan ya 24-demjimêrî ye, û ku di dema qutbûna karebayê ya neteweyî de ew mecbûr in karebayê bidin welatiyan, ku her ampêrek bi 7 hezar û 500 Dînaran e.

Serokê Civata miwelîdeyên Silêmaniyê ji hikûmeta herêmê xwest ku gazê ji bo wan dabîn bike, Bi vî awayî, xwediyên miwelîde elektrîkê û welatî jî dê sûd werbigirin, û emê karibin karebayê bi bihayekî kêmtir peyda bikin.

Ji sala 2014an ve, welatiyên Herêma Kurdistanê bi qeyranek aborî re rû bi rû ne û niha jî ji ber şerê Amerîka -Îranê, tê payîn ku bi qeyrana sotemeniyê re jî rû bi rû bimînin, ji ber vê yekê, erkekî hikûmeta herêmê ye ku rêkarên pratîkî bigire ji bo çareserkirina pirsgirêkên ewlehiya kompaniyên weberhênanê û pêşî li qeyrana sotemeniyê li Herêma Kurdistanê bigire.

PUKMEDIA