Serokwezîrê Iraqê dê pênc mijaran li Amerîkayê gotûbêj bike

Ajansa Iraqê

Serokwezîrê Iraqê Elî Zeydî

Serokwezîrê Iraqê Elî Zeydî dê di nîvê vê hefteyê de serdana Amerîkayê bike da ku bi rayedarên Amerîkî re li ser mijarên aborî, enerjî, binesaziyê û teknolojiyê gotûbêj bike, eve ji bilî mijara bêçekirina koman ku beşekî giring yê sardana wî be.

Li gorî anyariyên medyayî, Serokwezîr Elî Zeydî dê roja Çarşemê, 15ê Tîrmeha 2026an, bi serokatiya şandeyeke payebilind a wezîran, fermandarên leşkerî û veberhêneran, ji Bexdayê biçe Washingtonê da ku li ser çend mijarên girîng ên hevbeş gotûbêjan bike.

Di vê derbarê de Şêwirmendê Serokwezîrê Iraqê Mezher Mihemed Salih, ji Ajansa Nûçeyan a Iraqê re got ku: Serdana Elî Zeydî ya Amerîkayê derfeteke stratejîk e ji bo ji nû ve dariştina peywendiyên aborî yên di navbera Iraq û Amerîkayê de.

Şêwirmendê serokwezîr di derbarê mijarên ku dê wrin gotûbêjkirin de, got: Dê çend mijarên girîng ên hevbeş werin giftûgo kirin, di nav de: Pirsgirêkên aborî dê yên herî girîng bin û werin giftûgo kirin, bi piranî bi sektora enerjiyê ve girêdayî ne, bi rêya pêşxistina zeviyên petrolê, ji bilî axaftina li ser projeyên enerjiya nûjenkirî.

Wî zêde kir û got: Di civînan de dê li ser pêşxistina projeyên binesaziyê, wek rê, pir, balafirgeh û rêya hesin jî were gotûbêjkirin, her wiha sektora teknolojiyê dê mijarek din a girîng be, nemaze yên bi hikûmeta elektronîk ve girêdayî.

Mezher Mihemed Salih got ku di civînan de dê li ser çend sektorên din jî were gotûbêj kirin, wek çandinî bi rêya avdana nûjen, pêşxistina pîşesaziya xwarinê û ewlehiya xwarinê.

Eve di demekê e ye ku Serokwezîrê Iraqê bi cidî mijara komên çekdar xistiye rojeva hikûmeta xwe û hin ji koman soz dane ku bêçek bibin û Muqteda El-Sedr wekî serokêkî girîng ê Iraqê, koma Saraya Salamî hilweşand. Di heman demê de Amerîka jî piştgîriya van hewlên serokwezîr dike.

PUKMEDIA