Ji bo şîna Rêberê Bilind Elî Xameneyî 10 parêzgehên Îraqê betlane ragihandin

Taybet

Wêneyek merasîma xatirxwestinê li Tehranê

Îro termê Rêberê Bilind yê berê yê Îranê Elî Xameneyî dê bigihêje Îraqê û merasîmeke malavayiyê dê were lidarxistin.

Biryar e îro Sêşem rêkefta (07-07-2026) an termê rêberê berê yê Îranê Elî Xamineyî bi riya firokxaneya Necefê bigihîje Îraqê û merasîmeke malavayiyê dê were lidarxistin û ji ber merasîma pêşwaziyê li 10 parêzgehên Îraqê betlaneya fermî hatiye ragihandin ku li çend parêzgehan ev betlane dê rojekê û li hindek din jî du rojan bidome.

Rêveberiya herêmî ya bajaran sibê roja Çarşemê rêkefta (08-07-2026) an betlaneyek ragihand ku, li bajarên Kerkûk, Bexda, Necef, Zîqar, Musene û Kerbela dê betlane be, ev yek ji bo hêsankirina beşdarbûna niştecihan di merasîma şînê û malavayiya dawî ya termê Rêberê Bilind yê berê Elî Xamineyî de ye.

Rêveberiyên parêzgehê her wiha destnîşan kirin ku beşek ji parêzgeh wekî Diyala, Babîl, Meysan û Dîwaniye,du rojan li hemû saziyên dewletê wekî betlane hatine ragihandin, lê taqîkirinên xwendingeh û zanîngehê nagirin nav xwe.

Çavkaniyan bernameya merasîman wiha aşkere kirin sibê roja Çarşemê rêkefta 08-07-2026 an merasîma girseyî ya malavayiyê li termê Xamneyî li Necefê dê birêve biçe; êvarê jî ewê ji bo merasîmên olî û girseyî ber bi Kerbelayê ve were birin, piştre jî ji bo veşartinê dê dîsa ber bi Qumê, Îranê ve werin birin.

PUKMEDIA