Hêzên ewlehiyê nêzîkî 10 ciwanên kurd desteserkirin

Rewangeha Sûrî bo Mafên Miron

Hêzên Ewlekariya Sûriyê

Piştî bajarokê Til Erenê, Hêzên Giştî ya Hikûmeta Demkî ya Sûriyê dorpêça xwe li ser gelê Efrînî tundtir dike û li ser riya Reqa-Hesekê çend ciwanên Kurd digire.

Rewangeha Sûrî bo Mafên Mirovan îro roja Şemiyê ragihand ku endamên Hêzên Ewlekariya Giştî yên Hikûmeta Demkî ya Sûriyê nêzîkî 10 ciwanên Kurd li xaleke kontrolê li bajarokê El Kerame li gundewarê Reqayê girtin, dema ku ew bi malbatên xwe re ber bi parêzgeha Hesekê ve diçûn.

Li gor zanyariyan ew ciwanên hatine desteserkirin ji herêma Efrîn ya Rojavayê Kurdistanê ne, ku ew ber bi cihekî ne diyar hatine revandi n û hîna jî çarenivîsa wan ne diyar in

Malbatên girtiyan bang li rayedarên pêwendîdar kirin ku bi lez û bez mudaxele bikin daku çarenivîsa kurên wan û cihê ragirtina wan eşkere bibe, û ji ber nebûna ti agahdariya fermî li ser sedemên girtina wan, ew tavilê serbest werin berdan.

Ev yek di demekê de ye ku, roja 1ê Tîrmehê, li bajarokên Tel Eran û Tel Hasil li gundewarên rojhilatê parêzgeha Helebê, ku bi piranî ji aliyê pêkhateya Kurd ve tên niştecîkirin, operasyoneke berfireh ya ewlehiyê  ji aliyê Hêzên Ewlekariya Navxwe ya hikûmeta Demkî ya Sûriyê ve hatibû lidarxistin, ku zêdetirî 200 wesayîtên leşkerî beşdarî operasyonê bibûn, di nav wan de motorsîkletên bi çekên navîn ji hebûn,her weha endamên hêzên ewlehiyê li çend xalan di nav her du bajarokan de, bi taybetî li derdora çerxerêya El-Dile li bajarokê Tel Aran bi cih bibûn û di encamê de 6 ciwanên Kurd desteser kiribûn û jineke Kurd jî êşkence kiribûn.

PUKMEDIA