Şoreş Îsmaîl:Avakirina du herêmên leşkerî gavek ber bi artêşeke neteweyî ve ye

PUKMEDIA

Şoreş Îsmaîl, Wezîrê Pêşmerge

Qonaxa yekem a pêvajoya yekbûna hêzên Pêşmerge bi fermî bi amadebûna Wezîrê Pêşmerge Şoreş Îsmaîl dest pê kir.

Di bin çavdêriya hêzên hevpeymaniyê de û bi amadebûna Şoreş Îsmaîl, Wezîrê Pêşmergeyan,qonaxa yekem ya pêvajoya yekbûna hêzên Pêşmergeyan bi fermî li baregeha fermandariya Herêmê dest pê kir.

Wezîrê Pêşmerge di gotarekê de di merasîma destpêkirina yekkirina fermandariya herêmên yekem û duyem ên Wezareta Pêşmerge de ragihand ku, ev gav dê di dîroka yekbûna hêzên Pêşmerge de destkeftiyek diyarker be û ji niha û pêve, hêzên me dê bi rêbazên leşkerî yên nûjen yên herî dawî werin nasandin.

Şoreş Îsmaîl behsa rola girîng ya hevalbendan kir û got:Hevpeyman di tevahiya têkoşîna li dijî terorîzmê de bi me re bûn û piştgirekî xurt bûn.

Ameje bi wê yekê kir ku hêzên Pêşmerge ne tenê hêzek çekdarî ne ji bo demekê,di şûna wê de, wan ji cîhanê re selimandiye ku ew mertalek zexm li dijî terorîzmê ye û li ser asta navneteweyî bûye sembolek geş.

Wezîrê Pêşmerge tekez kir ku xurtkirina hêzên Pêşmerge dê ewlehiya herêmê bi giştî aram bike,ji ber ku ev hêz gerantiya rastîn ya parastina mafên gelê Kurdistanê ye.

Di dawiya gotara xwe de, Şorş Îsmaîl stratejiya nû ya wezareta xwe pêşkêş kir û ragihand ku, avakirina du herêmên leşkerî û 11 firqeyan gaveke pir girîng û stratejîk e ji bo avakirina artêşeke neteweyî û yekgirtî ji bo Kurdistanê.

PUKMEDIA