Bajarekî dîrokî ya li bin erdê li Turkiyê hat dîtin

En Son Dakika ya Turkî

Dîmenek ji bajarê li bin erdê li Turkiye

Bajarê bin erdê yê Derinkuyu li Kapadokyayê, bi avahiya xwe ya 18 qatî ku heta kûrahiya 85 metreyan dadikeve, yek ji wargehên kevnar yên herî balkêş yên cîhanê ye,hatiye eşkerekirin ku bajarê ku bi hezaran sal berê hatiye dirust kirin, dikaribû di heman demê de bi qasî 20 hezar kesan bicîh bike.

Bajarê Binerdê yê Derinkuyu bi mezinahiya xwe û taybetmendiyên xwe yên endezyariyê mêvanan matmayî dike,ev avahî, bi kûrahiya nêzîkî 85 metreyan û dirêjbûna xwe heta 18 qatan, wekî yek ji mezintirîn bajarên binê erdê yên cîhanê tê hejmartin. 

Çîrokeke balkêş di sala 1963.an de dest pê kir

Zilamekî ku jêrzemîna mala xwe nûjen dikir, li pişt dîwarekî ku wî hilweşand, riyeke veşartî dît. 

Ew bajar cihê jiyanê ji bo 20 hezar kesan e

Li gorî lêkolînan, Derinkuyu ne tenê stargehek bû ku mirov lê xwe vedişartin.
Bajar ji metbex, deverên hilberîna Şerab û Zeytûnê, deverên hilanîna xwarinê, cihên perestyê, dersxane û sîstemên hewakirinê pêk dihat.

Sîstema hewakirinê ya pêşketî ye

Ji bo domandina jiyanê di bin erdê de, çareseriyên endezyariyê yên pir pêşkeftî, li gorî mercên wê demê, hatine bikar anîn.

Şaneya hewakirinê, ku bi qasî 55 metreyan dirêj bû, wekî bîreke avê jî xizmet dikir,ev yek misoger dikir ku bajar di dema dorpêçkirinê de jî dikare hewaya teze û avê bistîne.

Bajar ji bo parastina ji êrîşan hatiye çêkirin.

Dîroknas bawer dikin ku bingehên bajarê bin erdê cara yekem di sedsalên 8-7an berî zayînê de hatine danîn, û paşê ew hatiye berfirehkirin û wekî penagehek, bi taybetî di serdema Bîzansê de, di dema êrîşên Ereban de hatiye bikar anîn.

PUKMEDIA