Li Qamişlo Pêşangehek berhemên jinan hat vekirin

Hawar News

Dîmenek ji pêşangehê

Nivîsgha Jinên Sûriyê bi hevkariya Koma Projeyên Biçûk ya ji bo Hunerên Destan û Karên  Jinan li Qamişlo pêşangeheke hunerên destan bi navê "Tiliyên Afirîner" li darxist.

Li Navenda Mihemed Şêxo ya Çand û Hunerê ya Qamişlo îro pêşangeha "Tiliyên Afirîner" hat lidarxistin,di pêşangehê de afirîneriya jinan di warê hunerên destan û karên destan yên kevneşopî de hatin nîşandan.

Di pêşangehê de ku 20 jin û jinên ciwan beşdar bûn, şîraniyên mîna çîkolata, kulîçe, biskuwît fêkiyên hişkirî, her wiha aksesuarên malê, tablo, karên bi morîk, seramîk, hirî, çente, aksesuarên zarokan û vîtamîn û dermanên xwezayî hatin pêşandan.

Di merasîma vekirinê de ji rêveberên li Civata Jinên Sûriyê Mûna Yûsiv got: Civata Jinên Sûriyê rêxistineke ji bo hemû jinên li herêmên cuda yên Sûriyê ye, pêşwaziya dengê jinên Sûriyê dike û tekez kir ku ew her wiha dixebite ku jinan ji hêla aborî ve bi hêz bike û piştgiriyê bide wan.

Pêşangeh dê 2 rojan dê berdewam bike û dê şevbêrkên helbestan û pêşbirk jî bên lidarxistin.

PUKMEDIA