Tabloyên min êş û azarên miletê min vedibêjin

Kurdistanî Nwê

Hunermenê Şêwekar ê Kurd

Hunermendê şêwekar yê xelkê herêma Efrînê yê Rojavayê Kurdistanê radighîne ku, huner bi giştî û şêwekarî bi taybetî rêyek e ji bo veguhestina peyamên çandî û pêkvejiyanê ye.

Can Îsa, hunermendê şêwekarê diyar ê herêma Efrînê ji Almanyayê ji rojnameya Kurdistanî Nwê axiviye û gotiye: Dema ku ez li Efrîn dijiyam, min wekî endezyar û xemilandinvan dixebitîm, lê piştî Şoreşa Gelan a Sûriyeyê ya 2012an, ji ber rewşa nebaş a welêt, min berê xwe da Almanya û li wir min dest bi hunera şêwekariyê kir û zêdetir li 350 tablo min kêşane.

Can Îsa got: Li gelek welatên Ewropayê pêşangehên min ên taybet û hevbeş hebûn û piraniya tabloyên min hatin firotin. Min tenê li Almanya çar pêşangeh vekirine û daxwazek mezin li ser tabloyên min hebûn ji ber ku piraniya tabloyên min li ser êşên gelê min in li her çar parçeyên Kurdistanê û girêdayî axê û dîroka netewa min bûn.

Her weha diyar jî kir ku; Her çend cîhek min a taybet hebe ku ez her roj lê dixebitim jî,  lê hin ji tabloyên xwe li ser înternetê bi awayekî onlayîn difroşim û gelek kes li Ewropayê bi miletê min re hevxem in.

Di dawiya axaftina xwe de hunermend Can Îsa got: Hunera şêwekariyê peyamek pir girîng hildigire, nemaze ji bo veguhestina peyama çandî û êş û azarên miletê Kurd ji gelên cîhanê re. her weha min dahata gelek tabloyên xwe jî ji zarokên sêwî veqetandiye.

PUKMEDIA/ Kurdistanî Nwê