Sûriyê bawernameyên xwendekarên li deverên Rêveberiya Xweser pesend kir

Medya

Logoya Rêvberiya Xweser û Ala Sûriyê

Wezareta Perwerdehiyê ya Hikûmeta Demkî ya Sûriyê naskirina bawernameyên ku ji hêla Rêveberiya Xweser ve bi xwendekaran hatine dayîn pesend kir ku xwendekarên li gorî bernameya rêveberiya xweser xwendina xwe berdewam kiribûn, di salên akademîk yên 2025-2026an de destûrdê  bê dayîn ku beşdarî ezmûnên bawernameyên yên giştî bibin.

Wezareta Perwerdehiyê ya Hikûmeta Demkî ya Sûriyê biryara hejmar 1617/943 derbarê bawernameyên ku ji hêla Rêveberiya Xweser ve bi xwendekarên herêmên xwe hatine dayîn derxist li gorî bendên yasaya Hejmar 31 ya 2024an bi berçavgirtina rewşa yasayî û mercên xwendekarên li parêzgehên rojhilatê Sûriyê, pêwîste rewşa yasayî û mercên xwendekaran li parêzgehên rojhilat li ber çavan bên girtin û ji bo temamkirina pêvajoya entegrasyonê ji bo avakirina sîstemeke perwerdeyê ya yekgirtî, ev yek wê yekê tê ku piştî bernameya xwendinê ya hikûmeta Sûriyê ya yekgirtî li hemû parêzgehên Sûriyê hate sepandin.

Li gorî pêdiviyên berjewendiya giştî, ev biryar hatiye dayîn:

Madeya 1:

Xwendekarên ku berê xwendina xwe li gorî bernameya rêveberiya xweser kiribûn, destûr tê dayîn ku bi karanîna vê bawernameyê, li gorî rêzikname û pîvanên neteweyî yên yekgirtî yên ku ji hêla Wezareta Perwerdehiyê ve hatine danîn, tenê di salên akademîk yên 2025-2026 û 2026-2027an de, xwendekar dê beşdarî azmûnên bawernameyên yên giştî yên 3.Navîn û 6ê Amdeyî bibin.

Madeya 2:

Bawernameyên ku berê ji hêla Rêveberiya Xweser ve hatine dayîn, dê li gorî rêkarzên ku ji hêla Wezaretê ve hatine pejirandin tên pesendkirin.

Madeya 3:

Ev biryar dê ji bo cîbicîkirina wê were weşandin û ji aliyên peywendîdar re tê şandin.

PUKMEDIA