Amerîka: Êrîşên Îsraîlê bandorê li ser peymana aştiyê nakin

Ajans

Pêt Hêgsês, Wezîrê Şer ê Amerîkayê

Wezîrê Şer ê Amerîkayê radigihîne ku welatê wî li ser rêreva rast e ji bo îmzakirina rêkeftina aştiyê ligel Îranê û tekez jî dike ku êrîşên Îsraîlê yên li ser Libnanê bandorê nakin û rêkeftin tenê li ser demê maye.

Pêt Hêgsês, Wezîrê Şer ê Amerîkayê, di daxuyaniyeke rojnamevaniyê de ragihand: Amerîka li ser rêya îmzakirina rêkeftinê ye ligel Îranê.
Her wiha got: Pirsgirêk niha ne ewe ka em ê rêkeftinê îmza bikin an na, belku ew e ka dê kengî were îmzakirin, ji ber vê yekê tenê li ser demê maye.
Wezîrê Şer ê Amerîkayê, derbarê êrîşên Îsraîlê yên li ser başûrê Beyrûta paytexta Libnanê û bandora wê li ser rêkeftinê, bal kişand ser wê û ku: Ez pêşbînî nakim êrîşên Îsraîlê bandorê li ser rêkeftinê bikin, ji ber ku di êrîşan de xweparastin diyar bû.

Di dawiyê de jî Pêt Hêgsês Wezîrê Şer ê Amerîkayê ragihand ku pêwîst e Îran bi tundî guşarê bixe ser Hizbullahê Libnanê da ku êrîşên xwe yên li ser Îsraîlê rawestîne.
Ev daxuyaniya Wezîrê Şer ê Amerîkayê di demekê de ye ku duhî Şahbaz Şerîf, Serokwezîrê Pakistanê, eşkere kir: Tê pêşbînîkirin ku di dema 24 saetên bê de rênimayên rêkeftina navbera Amerîka û Îranê bi dawî bibin û şêwazê îmzakirina wê jî dê elektronîk be.
Ev jî di demekê de ye ku hewldanên ji bo rêkeftina aştiyê ji 11ê nîsana 2026an ve bi navbeynkariya Pakistanê di navbera Amerîka û Îranê de dest pê kirine, lê agirbesta li Libnanê, mijara atomî ya Îranê û Tengava Hurmizê sê mijarên aloz ên rêkeftina navbera her du welatan in û hîn ne diyar e ka dê bi çi mekanîzmayekê li ser van xalan li hev bikin.

PUKMEDIA