Peykersaza Kurd: Şaristaniya Kurdî di peykerên min de rengvedane

Kurdistanî Nwê

Peykersaza Kurd yê Rojava

Jina peykersaza kurd ya Rojavayê Kurdistanê radighîne:"Her çend peykersazî ji bo jinan dijwar be jî, ez dixwazim piştrast bikim ku jinên Kurd jî dikarin di hemî warên hunerî de mîna mêrên Kurd serkeftî bin,"

Peykersaza jin ya ji Rojavayê Kurdistanê Jiyan Ebdulrehman ji Rojnameya Kurdistanî Nwê re axiviye û gotiye: Ez yekem jinim ji Rojavayê Kurdistanê me ku di sala 1994an de li Şamê kariye bawernameya hunerî ya peykersazîyê bi dest bixim. Ji wê demê ve, ez bi berdewamî bi karê peykersazîya xwe mijûl im û ez beşdarî çendîn pêşangehên peykersazîyê li Rojavayê Kurdistanê bûme. Ez çend sal in li Almanya dijîm û ez karê xwe didomînim.

Jiyan Ebdulrehman her wiha got jî: "Piraniya peykerên min li ser rola dîrokî ya jinên Kurd û şaristaniya kevnar a Mezopotamiyayê ne, ku jinên Kurd di avakirina şaristaniya Kurdî de li kêleka mêran roleke mezin lîstine. Ji bo vê armancê, min çend peykerên kesayetên dîrokî û neteweyî yên gelê me çêkirine."

Diyar jî kir ku: "Peykerekê min li Muzexaneya Jinan li bajarê Bonê ya Almanya hatiye danan, û di sala 2009an de min li bajarê Lazqiye yê Sûriyeyê peykerê gula (Lale) ji mermer çêkir û li wir hatiye danan. Her wisa di karê xwe ya dawî de min behsa pêwendiya di navbera mirov û felsefeyê de kiriye.

PUKMEDIA