Amerîkayê başûrê Îranê bombebaran kir û Tehranê Tengava Hormizê girt

PUKMEDIA

Tengava Hormizê

Sêntkomê bi rênimayiya Trump, pêleke nû ya êrîşên asmanî bir ser çendîn armancan li başûrê Îranê û Waşîntonê ragihandiye ku ev êrîş di çarçoveya "parastina rewa" (xweparastin) de û wek bersivekê ji bo êrîşên berê yên Îranê bûne. Ji aliyê xweve Îranê tengava Hormizê li ber hemû keştî û petrolhilgiran de girtiye û bi 12 mûşekên balîstîk êrîş kiriye ser du binkeyên Amerîkayê.

Sêntkomê êrîşî asmanî bir ser çendîn armancan li başûrê Îranê

Fermandariya Navendî ya Amerîkayê (Sêntkom) bi rênimayiya rasterast a Donald Trump ê serokê Amerîkayê, pêleke nû ya êrîşên asmanî bir ser çendîn armancên serbazî, sîstema parastina asmanî, radar û navendên kontrolkirina dironan li başûrê Îranê û Waşîntonê ragihandiye, ku ev êrîş di çarçoveya xweparastinê de û wek bersivekê ji bo êrîşên berê yên Îranê hatiye.

Tahranê bi 12 mûşekan êrîş bir ser bingehên Amerîkayê

Li beramber vê yekê, Tahranê geşedan tundtir kirin û ragihand ku Tengava Hormizê li berûya hemû keştî û petrolhilgiran girtiye. Her weha Supaya Pasdaran û Artêşa Îranê ragihandin ku wekî tolhildan, bi 12 mûşekên balîstîk êrîş birine ser bingeha asmanî ya "Ezreq" li Urdunê ku hêzên Amerîkayê lê ne, û bi dronên xwekuj jî bingeha belem a pêncem a deryayî ya Amerîkayê li Behreynê kirine armanc.

Serokê Amerîkayê: Êrîş dê bi tundî berdewam bikin

Li aliyê din, Serokê Amerîkayê dibêje: Îsraîlê ti beşdariyek di wan êrîşên esmanî de nekiriye ku welatê wî di çend saetên borî de li dijî armancên Îranê pêk anîne. Wî her weha ragihand ku wî bixwe çavdêriya êrîşan kiriye û hişyarî da ku eger Tahran rêkeftina çarçoveyî ya ji bo bidawîanîna şer îmze neke, êrîş dê bi tundî berdewam bikin.
Ev yek di demekê de ye ku artêşa Amerîkayê, ji bo şeva duyem a li pey hev piştî ketina helîkopterekê li Kendavê, êrîşên nû birin ser hundirê Îranê û ragihand ku ji bo vê mebestê 49 mûşekên Tomahawk û balafirên şer hatine bikaranîn.

Alîgirên Nîvdewletî tirsên wan ji berfirehbûna zêdetir a şer heye

Ev geşedanên leşkerî bandorek bilez û berfireh li ser herêmê kir, pergalên berevaniya asmanî li Urdun, Kuwêt û Behreynê ketin rewşa amadebaşiyê û bersivdana tiştên difirin, û Kuwêtê jî asmanê welatê xwe bi awayekî demkî girt, di heman demê de li bakurê Îsraîlê jî piştî teqandina çend fîşekan ji axa Lubnanê ve zengila hişyariyê hate lêdan, ku ev yek tirsên aliyên navdewletî ji berfirehbûna zêdetir a şer li herêmê zêdetir kiriye.

PUKMEDIA