Siyamend Efrînî:Koçberên Kurd û yên din jî dê vegerin warên xwe

Medya

Emîd Mehmûd Xelîl Siyamend Efrînî Cîgirê Fermandarê Hêzên Ewlekariya Navxwe (Asayîş) li Parêzgeha Hesekê

Piştî vegera kerwana heştemîn ya koçberên Efrînî ku hezar û 700 malbat bûn, ji bajarên Qamîşlo, Girkê Lekê û DêrikêCîgirê Fermandarê Hêzên Ewlekariya Navxwe (Asayîş) li Parêzgeha Hesekê ragihand ew spasiya hemû aliyên peywendîdar dikin ji bo hevkarî û hêsankirina dosyaya veger koçberan.

Emîd Mehmûd Xelîl (Siyamend Efrînî), Cîgirê Fermandarê Hêzên Ewlekariya Navxwe (Asayîş) li Parêzgeha Hesekê ragihand ku bi çûyîna koma heştemîn û dawî ya niştecihên Efrîn yên koçber di riya vegerê de bo malên xwe,û piştî vegera 8 hezar û 720 malbatan dema ku nêzîkî hezar û 300 malbat mane, em îro di qonaxek dîrokî de ne, ku yek ji beşên herî bi êş ên koçberiyê yên ku xelkê Efrîn nêzîkî neh salan kişandiye digirin,ji bo malbatên mayî, vegera wan dê ji hêla rayedarên peywendîdar ve were hêsankirin gava ku zarokên wan sala xwendina bi dawî bikin û erkên xwe yên heyî bicîh bînin, li gorî pabendbûna ji bo misogerkirina vegera hemî koçberan bo malên xwe.

Efrîn got:Bi vê boneyê em spasiya û dilsoziyên birêz Serok Ehmed El-Şereh û Fermandarê Hêzên Sûriye Demokratîk General Mezlûm Ebdî dikin, ji bo rola wan ya girîng û mijûlbûna wan ya rasterast di şopandina cî bi cîkirina peymanê û temamkirina dosyaya vegera koçberên Efrîn û hewldanên wan yên girîng beşdarî derbazkirina astengiyan û misogerkirina serkeftina vê hewldana mirovî û neteweyî bûn.

 Her wiha em spasiya Nûnerê Serokkomar yê ku bi şopandina vê mijarê hatiye erkdarkirin dikin, û hêvî dikin ku vegera xelkê Efrînê dê bibe destpêk ya vegera hemû koçberên Sûrî ji bo malên xwe û aramî û aştiya sivîl li seranserê Sûriyê xurt bike.

Siymaned Efrînî got:Em spasiya xwe ya kûr ji bo xelkê herêma Cezîre û Firatê dikin ji bo ku di salên koçberiyê de xelkê Efrîn kirin hembêz û ji bo Hêzên Ewlekariya Hundirîn li parêzgeha Hesekê, Hêzên Ewlekariya Giştî li parêzgeha Helebê, rêveberiya herêma Efrîn, tîmên pijîşkî û xizmetguzariyê, û rêxistinên mirovî ku ji destpêka koçberiyê ve û heta vegera wan bo malên xwe roleke girîng di piştgirî û alîkariya xelkê de lîstine, û spasiya her kesê ku beşdarî rêxistinkirin, ewlekirin û parastina karwanên vegerê û serkeftina vê dosyayê bi giyanek berpirsiyarî û hevkariyê bû dikin.

Temamkirina vegera kesên koçber ji bo Efrînê pêngaveke girîng e ber bi xurtkirina aramiyê, aştiya sivîl û avakirina baweriyê di navbera welatiyên Sûriyê de û ev vegera girêdana xelkê Efrîn bi ax û nasnameya xwe nîşan dide, û asoyên nû ji bo vejîn û avakirina Sûriyeyek e bi ewle û aram vedike ku hemû welatiyên wê hembêz bike.

PUKMEDIA