Omer Şêxmûs: Kurd çavkaniya aştî û aramiya herêmê ne

PUKMEDIA

Omer Şêxmûs û Letîf Nêrweyî

Borda Ragihandinê ya Mekteba Ragihandin û Hişyariyê ya Yekîtiya Nîştimanî ya Kurdistanê (YNK) ji bo kesayetiya siyasî û akademîk a Kurd Omer Şêxmûs li Hola Salona Kurdistanî Nwê semînerek bi navê (Pirsa Kurd li Rojhilata Navîn Di Navbera Derfet û Zehmetiyan de) li dar xist.

Pêşî, Berpirsê borda ragihandinê Letîf Nêrweyî, bal kişand ser kesayetî, rol û têkoşîna Omer Şêxmûs û armanca semînerê rave kir.

Piştre Omer Şêxmûs dest bi axaftinê kir û got: Berê dihat gotin ku Kurd ne xwedî şiyan in ku welêt birêve bibin, lê 34 salin Hikûmeta me ya Herêma Kurdistanê heye. Tevî hemû kêmasiyan, me kariye di piraniya waran de bixebitin û welat avadan bikin.

Di berdewamiya axaftina xwe Omer Şêxmûs got: Berê em ji du tiştan pir ditirsiyan, ya yekem ew e ku zimanê me winda bibe, lê niha ziman û çanda me vejiyaye û di astek bilind de ye. Caran sale 10 pirtûkên kurdî çap nedibûn lê niha salane bi hezaran pirtûkên kurdî derdikevin, berê dihat gotin ku kurd 8 milyone niha hemû kes qebûl dikin ku kurd 50 milyone.

Omer Şêxmûs got jî: Niha Kurd li herêmê faktorekî aştî û jiyana hevbeş in û faktorekî mezin ji bo demokrasiyê ne. Ger Kurd berê bi çekan xebat dikirin, niha bi rêya demokrasiyê xebat dikin.

Omer Şêxmûs ku di heman demê de endamê desteya damezrêner yê Yekîtiya Nîştimanî ya Kurdistanê YNKê ye derbarê rewşa niha ya Rojavayê Kurdistanê de got: Hikûmeta Sûriyeyê qels e û hin gav avêtine, di nav de qebûlkirina zimanê Kurdî, dayîna hemwelatîbûnê û vegerandina penaberan bo warên wan, lê divê em ji bîr nekin ku her gava hikûmeta navendî bihêz bibe, ewê mafên Kurdan kêm bikin, niha li sûriyê hemû tişt, hikûmet, perleman û destûra wî welatî demkî ne.

Derbarêe w dengoyên ku dibêjin Pêşmerge li Îraqê wê çekan deyne, Omer Şêxmûs tekez kir ku: Hêzên Pêşmerge ne milîs in, belkû hêza parastina gelê Kurde û her gav roleke mezin di parastina Kurdistanê de lîstine, di heman demê de destûra Îraqê hêzên Pêşmerge wekî beşek ji pergala parastinê ya Îraqê nas kiriye, ji ber vê yekê, ew hêzek pejirandî ye wekî hêzek destûrî.

PUKMEDIA/ Kurdistanî Nwê