Qubad Talebanî: Bi bê lihevkirina YNK û PDK hikûmet nayê avakirin

PUKMEDIA

Cîgirê Serokwezîrê Herêma Kurdistanê Qubad Talebanî

Qubad Talebanî radighîne: Pêkanîna hikûmeta nû bi bê hevbeşiya rasteqîne di navbera YNKê û PDKê de naçe serî, hevdem amaje bi wê yekê jî kir ku kilîta çareserkirina pirsgirêka mûçeyê fermanberên Herêma Kurdistanê digel hikûmeta federal, di şefafiyet û hebûna herêmê wek beşekî aktîv di pêvajoya siyasî ya Îraqê de ye.

Cîgirê Serokwezîrê Hikûmeta Herêma Kurdistanê Qubad Talebanî di kongireyeke rojnamevanî de, di kevana çavdêrîkirina Foruma aborî ya Delphî li bajarê Silêmaniyê de axivî û got: Em kêfxweş in ku Konferansa Delfî li Silêmaniyê li dar dixin, di vê rewşa ne aram de, hejmareke mezin ji kesayetî û serkirdeyên ji çar aliyên cîhanê serdana Silêmaniyê kirine, sala bê jî dê Delfî li Silêmaniyê be.

Di derbarê pêkanîna hikûmetê de, Qubad Talebanî got ku, Yekîtiya Nîştimanî ya Kurdistanê YNKê dixwaze di zûtirîn dem de hikûmetek ava bibe û em bawer dikin ku PDK bêyî YNKê nikare hikûmetê ava bike û berevajî vê, em hêvî dikin ku Partî (PDK)ê têgihêştiye ku em amade ne ku li ser hevkariyek rastîn û dabeşkirina berpirsiyariyan li hev bikin, di niha de me gelek qonax bi PDKê re derbas kirine û gelek gotûbêj kirine, hevdem me nêrînek hevbeş nivîsandiye, hêvîdarim ku poşman nebin çûnkî pêkneanîna hûmetê dê bandora xwe li ser herêmê hebe.

Derbarê mijara belavkirina mûçeyan mûçexurên Herêmê de, wî got: Mijara mûçeyan beşek ji rêkeftina di navbera Herêma Kurdistanê û Îraqê de ye û ez difikirim ku eger em bi hev re şefaf bin û bibin beşek ji pêvajoya siyasî ya Îraqê, gelek pirsgirêk dê werin çareserkirin.

Qubad Talebanî got jî: Em bi Wezareta Darayî ya Îraqê û hikûmeta federal re di danûstandinan de ne ku li gorî kêmbûna dahatên me yên ne-petrolê, nekû 120 milyar dînarên diyarkirî cihgir be.

Wî zêde kir: Herêma Kurdistanê û Silêmanî hewceyê têkiliyek xurt bi Tirkiyeyê re ne û me pêvajoya aştiyê ya li Tirkiyeyê di navbera Tirkiye û PKKê de pêşwazî kir, û em ê bi her du aliyan re hevkariyê bikin, heya ku ew cihê ku pêwîstî bi me heye daku ev pêvajo bi serbikeve.

Qubad Talebanî sebaret bi peywendiyên Yekîtiya Nîştimamî ya Kurdistanê YNKê û Partiya Demokrat a Kurdistanê (PDKê) ragihand: Niha YNK xwediyê yek siyaset, dîdgeh û peyamê ye, lê ez hest dikim ku di nav Partiya Demokrata Kurdistanê PDKê de nerînên cûda hene lê tişta ku ez dizanim ewe ku cenabê kak Mesûd mirovekî şarezayiya xwe ya siyasî ji hemûyan zêdetire û xwedî ezmûne di hikûmranî û siyasetkirinê de, ji ber vê yekê di baweriya min de cenabê kak Mesûd ji hemûyan zêdetir dizane ku ji bo birêvebirinek baş ya Herêma Kurdistanê pêwîste beriya her tiştî di navbera YNKê û PDKê de hevgirtin û pêkve karkirin hebe, wê demê dê derfet ji bo aliyên siyasî yên din jî hebin.

Wî got jî: Ji vir ez daxwazê ji Birêz kak Mesûd Barzanî û serokatiya Partiya Demokrat a Kurdistanê (PDK) dikim ku bila nakokiyên me yên siyasî hebin û bila li ser gelek tiştan li hev nekin eve Asyayî ye, lê bila civîn berdewam bikin.

Diyar jî kir ku; Pêngava yekxistina hêzên Pêşmerge gelek pêşveçûye û pêngava nirxandina peykerê hêzên Pêşmerge gelek pêşketiye ku Amerîkî, Holendî, Alman, Fransî û çend welatên din bi me re hevkarî û hemahengiyêkirine daku em vê qonaxê birêve bibin.

PUKMEDIA