Serok Bafil:Pêdiviya me bi arasteyeke nû di peywendiyên digel Bexdayê heye

PUKMEDIA

Axaftina Serok Bafil Celal Talebanî di Korbenda Delphi de

Birêz Bafl Celal Talebanî, Serokê Yekîtiya Nîştimanî ya Kurdistanê,tekez kir ku herêmê gelek guhertinan dîtiye û soza fersendek dide ji bo avakirina pêşerojek çêtir û çespandina aştiya mayînde.

Di panelekê de li duyemîn Korbenda Aborî ya Navneteweyî ya Delphi, ku roja Şemiyê 6ê Hezîrana 2026an li Silêmaniyê dest pê kir, Serok Bafil Celal Talebanî bal kişand ser pêşketinên dawî yên siyasî û ewlehiyê li Herêma Kurdistanê, Îraqê, herêmê û cîhanê.

Peywendiyên Navneteweyî û Rola Navbeynkariyê

Serok Pafil xwezaya cuda ya danûstandinên rasterast yên ku wî bi Serokê Amerîka Donald Trump û Wezîrê Derve yê Îranê Ebas Eraqchi re pêk anîn eşkere kir û tekez kir ku peywendiyên wan hem bi Washington û hem jî bi Tehranê re niha di asta xwe ya herî baş de ne.

Serokê Yekîtiya Niştimanî destnîşan kir ku Îraq û Herêma Kurdistanê xwedî şiyan in ku roleke navbeynkariyê ya girîng bilîzin,mîna modela Pakistanî - daku bibin pirek ji bo ragihandinê di navbera welatan de, tevî cudahiyên bingehîn di nêrînên di navbera aliyên Amerîkî û Îranî de.

Pêvajoya Aştiyê li Turkiyê

Derbarê karûbarên herêmî de, Serok Bafil Celal Talebanî geşbîniya xwe li ser pêvajoya aştiyê li Turkiyê anî ziman û tekez kir ku ew berdewam dike û pêşketinên berbiçav bi dest dixe.

Her weha aşkere kir ku, Yekîtiya Nîştimanê ji bo piştgiriya serkeftina vê pêvajoyê hewlên dijwar dane, û kêfxweşiya xwe ji bo rêça erênî ya ku peywendiyên bi Enqerê re digirin anî ziman û got: Peywendiyên me bi Turkiyê re baş in, û em li bendê ne ku ew bi birayên xwe yên Turk re bêtir xurt û pêş bikevin.

Avakirina Hikûmetê û Nakokiyên Navxweyî

Derbarê rewşa siyasî ya navxweyî û rêveberiya li Kurdistanê de, serokê Yekîtiya Niştimanî ya Kurdistanê (YNK) piştrast kir ku kes naxwaze formula hikûmeta berê dubare bibe", û got:Hikûmeta nû dê li ser heman modela hikûmeta berê neyê avakirin.

Serok Bafil derengketina di avakirina hikûmeta nû de bi helwestên hin berpirsên di nav Partiya Demokrat ya Kurdistanê de ve girêda û banga pejirandina rêbazek siyasî ya nû kir ku ji Hewlêrê dest pê bike û bigihîje Bexdayê, û aşkere kir ku hikûmeta federal lihevkirinek beramberî li ser bingeha rêzgirtina hevbeş ya serweriyê di navbera hikûmeta navendî û Herêma Kurdistanê de dixwaze.

Stratejiyek ji bo Aştî û Aramiyê

Di dawiyê de, Serok Bafil Celal Talebanî tekez kir ku derfetên guncaw hene ji bo avakirina paşerojek baştir, bi mercê ku li Îraqê aramiyek berfireh were damezrandin û bang li perspektîfeke demdirêj û sebireke stratejîk kir ji bo avakirina aştiyeke mayînde, û tekez kir ku Yekîtiya Nîştimanî bi dilsozî hewl dide ku alozî û nakokiyan kêm bike, li ser bingeha baweriya xwe ku diyalog û dîplomasiya berdewam riya herî bibandor e ji bo çareserkirina hemû pirsgirêkên heyî.

Korbenda Aborî ya Navneteweyî ya Delphi îro li bajarê Silêmaniyê, ji bo sala duyemîn li pey hev, di bin çavdêriya Birêz Qubad Talebanî, Cîgirê Serokwezîrê Herêma Kurdistanê de, dest bi karên xwe kir ku Serok, Bafil Celal Talebanî, û Birêz Nîzar Amîdî, Serokê Komar, digel hejmarek mêvan ji kesayetên siyasî û aborî yên ji Herêma Kurdistanê, Îraq û welatên cûrbecûr yên cîhanê amade bûn.

Korbend di du rojan de, pêşeroja aboriyê, kerta wuzeyê û pirsgirêkên siyasî yên ku herêm û cîhan pê re rû bi rû ne, gotûbêj dike. 

PUKMEDIA