Piştî derbazbûna sê rojan buhayê petrolê daket

Ajans

Buhayên petrolê li cîhanê

Buhayên petrolê îro roja Pêncşemê rêkefta (04-06-2026) an li bazarên Asyayî daketin, û pêla sê rojî ya zêdebûna buhayê bi dawî kirin,ev yek piştî wê yekê tê ku weberhêneran dest bi aramkirina qezancên xwe kirin, digel nirxandinên berdewam yên aloziyên Jeopolîtîk li Rojhilata Navîn û nîşanên kêmbûna embarên petrola Amerîka.

Buhayê petrola Brênt ya ji bo radestkirina Tebaxê li Borsaya Bazirganî ya New Yorkê ji sedî 1 daket û bû 96.87 dolar ji bo bermîlê, her weha buhayê petrola xav ya Texasê ya Amerîkî (WTI) ji sedî 0.8 daket û bû 95.22 dolar ji bo bermîlê.

Bazara petrolê hîna jî ji ber nakokiyên di navbera Amerîka û Îranê de bandor dibe, ku ev yek bûye sedema aloziyên dawî yên wekî êrîşên mûşekî li ser Kuweyt û Behrêynê û bi êrîşên Amerîka yên li ser girava Qişm ya Îranê, wan bandorek rasterast çêkiriye.

Hevdem digel êrîşên Îsraîlê li başûrê Lubnanê berfireh bûne, hêviyeke hindik heye ku rewş aram bibe, piştî ku Amerîka ragihand ku Îsraîl û Lubnanê li ser mercek agirbestê li hev kirine daku êrîşên Hizbulahê rawestînin.

Di heman demê de, daxuyaniya Donald Trump ku Îranê pesend kiriye ku ji pêşxistina çekên Etomî vekişe,heta radeyekê, tirsên weberhêneran ji pevçûnên dirêj ji holê rakir.

PUKMEDIA