Di bone û cejnan de bûyerên xeniqînê zêde dibin

Medyayên Îraqê

Rûdanên Xeniqîna Welatiyan

Li gorî amarên fermî, her sal di werzê germayê û bêhnvedanên cejinê de hejmarek zêde ji welatiyan berê xwe didin deverên geştiyarî û ji ber avjeniya di gol û çeman de hejmarek dixeniqin, îsal jî heta niha 8 welatî li Îraqê  û welatiyek di gola (deryaçeya) Dukanê de xeniqîne.

Duh jî di 29ê Gulanê 2026an de, dema ku hewl didan kesekî rizgar bikin, li bakûrê bajarê Tikrîtê 13 welatî di Çemê Dîcleyê de xeniqîne, piştre jî bi sedema bilindbûna rêjeya ava çem nekarîne derkevin derve, li gorî amarên herî dawî, heft kes xeniqîn û şeş kesên din jî hatine rizgarkirin.

Di heman demê de, ciwanekî ku di sala 2007an de ji dayik bûye, di roja yekem a Cejna Qurbanê de li Çemê Firatê li parêzgeha Musana xeniqî ye.

Girêdayî amarên Herêma Kurdistanê jî, di 27ê Gulanê 2026an de, geştiyarekî Ereb roja yekem a Cejna Qurbanê di Gola Dukan de xeniqî ye, ew geştiyar xelkê bajarê Bexdadê ji dayîkbûyê sala 2006`an e ku ji bo geştiyariyê serdana herêmê kiribû.

Ev rûdanên han, tenê rûdanên cejnê ya îsal nebûn, belkû hemû betlaneyan ev rûdan dubare dibin, şîrovekarên di warê çavkaniyên avê û berevaniya şaristaniyê de, amaje bi wêyekê dikin ku; Bilindbûna ji nişkêve ya asta avê ji ber berdana avê û digel nebûna hişyarî û ne şarezayiya  xwezayê çeman û nezanîna avjenniyê egerên sereke  ne ji bo xeniqîna welatiyan e


PUKMEDIA