Qubad Talebanî: Pirsgirêkên xwe bi diyalog çareser bikin

Ragihandina Qubad Talebanî

QubadTalebanî digel Konsolê Almanya û Brîtanya

Cîgirê Serokwezîrê Herêma Kurdistanê Qubad Talebanî bi cuda bi her yek li Konsulê Giştî yê Almanya Albrecht von Wittke û Konsulê Giştî yê Brîtaniya li Herêmê Andrew Beasley re civiya.

Di her du civînên ku roja Duşemê (25/5/2026) li Hewlêrê birêveçûn de, rewşa siyasî ya Herêma Kurdistanê û derengketina avakirina kabîneya dehemîn a Hikûmeta Herêma Kurdistanê hatin gotûbêj kirin.

Di vê mijarê de, Qubad Talebanî, behsa nakokî û sekinandina danûstandinan kir û ragihand ku, divê rêyek were dîtin da ku ev rewşa xitimî bi dawî bibe û her du alî YNKê û PDKê deriyê qonaxek nû vekin, ji ber ku berdewamiya vê rewşê dê zirarê bide pêgeha Herêmê û jiyan û guzeranê welatiyên Herêna Kurdistanê.

Di derbarê peywendiyên di navbera Herêma Kurdistanê û Bexdadê de jî, Qubad Talebanî got, ev demek dirêj e me gotiye ku Bexdad kûrahiya stratejiya me ye û divê em wekî Kurd li wir hebûnek xurttir hebe.

Wî tekez kir ku destbikarbûna hikûmeta nû li Bexdadê derfetek baş e ji bo çareserkirina pirsgirêkên di navbera Herêma Kurdistanê û Bexdadê de li ser mijarên cûda, lê ji bo vê yekê divê aliyên Kurdistanî hevkar û hevaheng bin.

Her wiha li ser pêşketinên li herêmê nêrîn hatin parvekirin. Di vê çarçoveyê de, Cîgirê Serokwezîr bal kişand ser pêşketinên di danûstandinên di navbera Amerîka û Îranê de û hêvî xwest ku danûstandin bigihêjin encamek baş û bibin sedema aştî û aramiyê li herêmê.

PUKMEDIA