Hikûmeta Sûriyê 88 dîlgirtiyên din ên HSDê serbest berdan

Ragihandina Hesekê

Serbest Berdana Dîlgirtiyên HSD

Îro Duşeme 25/5/2026`an Hikûmeta demkî ya Sûriyê 88 dîlgirtiyên din ên Hêzên Sûriyeya Demokratîk HSDê serbet berdan.

Li gorî Rêveberiya Ragihandinê ya Hesekê, pêvajoya berdana endamên HSDê yên ku ji aliyê hikûmeta demkî ya Sûriyê ve hatibûn girtin li navçeya Melibiyê, li başûrê bajarê Hesekê serbest hatin berdan.

Her weha berdana dîlgirtiyên HSDê, di bin çavdêriya tîma serokatiyê ya ku bi pêkanîna peymana 29ê Çile hatiye erkdarkirin, Parêzgarê Hesekê Nûredîn Ehmed û Fermandarê Ewlekariya Navxweyî emîd Merwan El-Elî de birêveçû.

Malbatên dîlgirtiyan û şêniyên Hesekê 88 dîlgirtiyên di çarçoveya koma 5ˊan a peymana pevguhertina dîlgirtiyan de hatine berdan pêşwazî kirin.

Hêjayî gotinê ye ku, koma 1ˊê ya dîlgirtiyan di 10ˊê Adara 2026ˊan, koma 2ˊyan di 19ˊê Adarê de, koma 3ˊyan di 11ˊê Nîsanê de û koma 4ˊan di 8ˊê Gulanê de hatin berdan.

PUKMEDIA