Pakistan hewlên kêmkirina rageşiya di navbera Amerîka û Îranê de zêde kirine

Cîhan 01:15 PM - 2026-05-22

Wezîrê Navxwe yê Pakistanê li Îranê

Pakistan ji bo kêmkirina rageşiya di navbera Amerîka û Îranê de livên dîplomatîk zêde kirine daku  agirbesta li herêmê heye biparêze ta pêşî li pêketina şerekî nû bigire ku dibe encamên wê  sînorên Rojhilata Navîn derbasbike.

Navbeynkariya Îslamabadê û kêmkirina pevçûnan

Çavkaniyên agahdar ên Îranî aşkere kirine ku pêşniyara dawî ya Amerîkî, ku bi rêya Pakistanê ji Tehranê re hatiye şandin, hin xalên nakokiyê yên di navbera her du aliyan de sivik kiriye. Lê di heman demê de, çavkaniyên Îranî bawer dikin ku ji bo çareserkirina vê valahiyê hîn jî pêwîst e ku Washington ji vebijarka leşkerî û şer gurtir bike vekişe.

Di vê çarçoveyê de, Wezîrê Karên Hundir ê Pakistanê di nav kêmtirî hefteyekê de cara duyemîn serdana Tehranê kir û bi Serokkomarê Îranê Mesûd Pazîşkiyan, Wezîrê Karên Derve û çend berpirsên payebilind ên ewlehî û leşkerî re civiya, çavkaniyên dîplomatîk dibêjin ku navbirî peyamek wî ya biryardar hebû da ku pêşî li hilweşîna agirbestê bigire.

Astengiyên li Pêşiya Agirbestê didomin

Tevî berdewamiya guherîna peyaman, dosyeyên wekî: Dewlemendkirina uranyûma Îranê, radestkirina wê ji Amerîkayê re û kontrola Tengava Hurmizê ji aliyê Tehranê ve hîna di nav xalên bê çareserî de dimînin.

Di vê navberê de, Serokê Amerîkayê Donald Trump got ku; Washington dê di dawiyê de uranyûma dewlemendkirî ya Îranê desteser bike, her çend Tehran red dike ku wê radest bike.

Ji aliyê xwe ve, Wezîrê Derve yê Amerîkayê Marco Rubio tekez kir ku sepandina her cure bacê li Tengava Hurmizê neqanûnî ye û dê rê li ber her rêkeftineke dîplomatîk bigire.

Rubio pêşketinên li ser hin aliyên danûstandinên ji bo bidawîkirina şer destnîşan kir, lê hişyarî da ku mirov nikare hîn pir geşbîn be.

Ji aliyekî din ve, çavkaniyên Îranî ragihandin ku rêberê welatêwan ferman daye bi hêştina uranyûma dewlemendkirî di hundirê Îranê de.

Hişyariyên Trump û Bertekên Îranê

Li ser asta daxuyaniyan, Serokê Amerîkayê Donald Trump ragihand ku danûstandinên bi Îranê re gihîştine "qonaxa dawî", lê hişyarî da ku heke di çarçoveyek demê ya diyarkirî de peymanek neyê kirin, dê êrîşên leşkerî ji nû ve dest pê bikin.

Ji aliyê xwe ve, Îranê hişyarî daye ku ew ê li hember her êrîşek li ser welatê xwe bisekine, di wê derbarê de jî Ebas Îraqçî ragihand: Jibodestpêkirina şer ema made ne û di heman demê de em ji  bo aştiyê jî amade  ne.

Di heman demê de Serfermandarê Giştî yê Artêşa Îranê Emîr Hatemî got: Artêş bi tevahî amade ye ji bo her bersivek biryardar û poşmanî ya ku Komara Îslamî ya Îranê heq dike li hember her gef, êrîş an kiryarek "serpêhatî" ya li dijî welatê wan.

Dengdan ji bo sînordarkirina desthilatên serokê Amerîka hate paşxistin

Îro 22/5/2026`an, Encumena Nûneran a Amerîka dengdana li ser pêşnûme yasayeke taybet  ku desthilatên serok ji bo biryardana şer hilweşand, sedema wê jî, ji ber nakokiyên navxweyî yên Partiya Komarî bû.

Li gorî nûçeyeke (Fox News)ê, rêveberên Partiyên Komarî di Encumena Nûneran a Amerîka de biryar dane ku dengdana li ser pêşnûme yasaya desthilatên şer hilweşîne.

Li gorî agahiyên  jêderan, sedema paşxistina dengdanê ji ber metirsiya parçebûna endamên Partiya Komarî li Encumena Nûneran bû, eve jî di demekê de ye ku sê endamên komariyan piştgîriya xwe ji bo wê pêşnûme yasayê nîşan dabûn û dengê xwe dabûn Demokratan.

Pêşnûme yasaya sînordarkirina desthilatên serok ku ji hêla Demokratan ve hatiye amadekirin, tê de dixwazin desthilata serok ji bo pêxistina şer jê werbigrin û bi şêwirmendiya digel Kongireya Amerîkayê û dezgehên dinê biryara şer bide.

PUKMEDIA