Trump:Emê şansek dawî bidin Îranê ji bo danûstandinan

Cîhan 10:58 PM - 2026-05-20

Serokê Amerîka Donald Trump

Serokê Amerîka Donald Trump ragihand ku danûstandinên bi Îranê re gihîştine qonaxa xwe ya dawî,her weha hişyarî da ku eger rêkeftineke aştiyê ya berfireh neyê bidestxistin, operasyonên leşkerî dikarin ji nû ve dest pê bikin.

Serokê Amerîka Donald Trump îro roja Çarşemê ragihand ku ewê ji bo danûstandinên bi Îranê re şansek dawî bidin û pêvajo bi lez û bez nayê kirin.

Trump:Eger rêkeftin bi Îranê re çê nebe, vebijarkên leşkerî dê bên nirxandin

Trump di axaftinên xwe yên ji bo rojnamevanan de diyar kir ku danûstandinên bi Îranê re gihîştine xalek xetimandin û got:Em bi Îranê re di qonaxên dawî de ne, yan dê lihevkirinek çêbibe, yan jî dê pêngavên cûda werin avêtin û tekez kir ku hîna jî dem ji bo çareseriyek dîplomatîk heye, lê eger ew bi ser nekeve, vebijarkên leşkerî dikarin werin nirxandin.

Trump: Amerîka destûrê nade Îran çekên etomî bi dest bixe

Trump her wiha diyar kir ku Amerîka dê bi tu awayî destûrê nade Îranê ku çekên etomî bi dest bixe.

Trump:Divê Tengava Hurmuz bi tevahî ji nû ve were vekirin

Trump diyar kir ku divê Tengava Hurmuz bi tevahî ji nû ve were vekirin, û ewlehiya bazirganiya deryayî li herêmê jî mijareke sereke ya gotûbêjan bû.

Trump:Amerîka di siyastên xwe de li gorî hevalbendên xwe tevdigere

Trump behsa hevkariya xwe ya bi Serokwezîrê Îsraîlê Benjamin Netanyahu re jî kir û got: Amerîka di siyastên xwe yên li herêmê de li gorî hevalbendên xwe tevdigere.

Trump:Şiyanên leşkerî yên Îranê bi girîngî qels bûne

Ji aliyekî din ve, Trump tekez kir ku şiyanên leşkerî yên Îranê bi girîngî qels bûne, û diyar kir ku Washington dikare pêvajoyê bi rêkeftinekê yan jî bi rêkarên tundtir bi dawî bike.

PUKMEDIA