Amerîka û Îran ji bo bidawîanîna şer mercên dijwar hene

Cîhan 03:56 PM - 2026-05-17

Ala Amerîka û Îranê

Ji bo ku şer bi awayekî daîmî bi dawî bibe û danûstandin pêşve biçin, Amerîka pênc mercên sereke û Îranê jî 10 mercên wê hene, ku hin ji wan xetên sor in, lê Amerîkayê mercên Îranê bi tevahî red dike.

Ajansa nûçeyan a Fars ya Îranê pênc mercên sereke yên ku Amerîkayê di bersiva xwe ya li ser peymana pêşniyarkirî ya bi Îranê re danîne aşkira kir, ku Washingtonê merc danîne ku digel radestkirina nêzîkî 400 kîlo gram uranyuma dewlemendkirî ya Îranê ji Amerîkayê re, Îran neyê qerebû kirin.

Her weha hêştina karkirina tenê yek ji kargehên etomî yên Îranê herweha nedana heta ji sedî 25ê pereyên blokkirî yên Îranê du mercên din ên Amerîkayê ne.

Ajansê amaje bi wê yekê jî kiriye ku, Washingtonê her wiha mercek daniye ku rawestandina şer li tevahiya eniyan bi rewşa berdewambûna danûstandinan ve girêdayî be, eve jî wek yek ji bendên herî hestyare ku pêşniyara Amerîkayê tê nirxandin.

Di vê navberê de, Mihemed Salih Cokar, serokê Komîsyona Karûbarên Navxweyî ya Îranê, ragihandiye; di vê demê de Amerîkayê gelek pêşniyar kirine, lêbelê, di bersivê de, Komara Îslamî ya Îranê mercên xwe yên berê dubare kirine û 10 mercên rêber wekî xeta sor ji bo her danûstandinekê destnîşan kirine.

Mercên Îranê ji kontrolkirin û birêvebirina Tengava Hirmuzê

Mercên Îranê ji kontrolkirin û birêvebirina Tengava Hirmuzê bi hemahengiya hêzên çekdar ên Îranê, û bidawîanîna şer li hemû eniyan vedihewîne, bi vekişîna hemû hêzên Amerîkayê ji herêmê û qerebûkirina hemû ziyanên şer, eve jî bilî rakirina hemû sizayên li ser Tehranê û dayîna mafê dewlemendkirina uranyûmê ji wê re û berdana hemû pereyên Îranê yên astengkirî li derveyî welêt vedihewîne.

Her çiqas Cokar behsa sê mercên din ên rêberê welatê xwe ji bo danûstandinan nekir jî, lê belê pêştir berpirsên Îranî behsa garantiyên dubarenekirina şer, parastina bernameya wê ya mûşekî û stendina bac ji wan keştiyan wî di Tengava Hirmuzê re derbas dibûn, ku di danûstandinan de wekî xeta sor a rêber tê binavkirin.

PUKMEDIA