Parlamenterek DEM Partî daxwaza gerantiyên yasayî ji bo zimanê Kurdî dike

Amida Haber

Gulderen Varli, parlamentera Wanê ya Partiya Wekhevî û Demokrasiyê ya Gelan (DEM Partî )

Parlamenterek ya Partiya Wekhevî û Demokrasiyê ya Gelan (DEM Partî) ya bajarê Wan ya Bakurê Kurdistanê daxwaza lêpirsînek parlamanî kir daku encamên dîrokî û civakî yên înkarkirin, qedexekirin û siyasetên cudakar yên li dijî zimanê Kurdî werin destnîşankirin.

Gulderen Varli, parlamentera Wanê ya ji Partiya Wekhevî û Demokrasiyê ya Gelan (DEM Partî ), pêşniyarnameyek pêşkêşî Serokatiya Parlemanê kir û daxwaza lêkolînekê li ser astengiyên li pêşiya bikaranîna zimanê Kurdî di warên giştî, yasayî û çandî de kir.

Varli di pêşniyarê de tekez kir ku ziman ne tenê amûrek ragihandinê ne, lê di heman demê de hilgirên bîra dîrokî, nasnameya çandî û hebûna civakî ne,di pêşniyarê de hatiye:Kurdî bi salan e armanca siyastên înkar, qedexekirin û cudakariyê ye.

Varli pêşniyar bi bîr xist ku zimanê Kurdî bi taybetî bi govara Hawarê di sala 1932an de forma xwe ya nivîskî ya nûjen bi dest xistiye û 15ê Gulanê wekî Roja Zimanê Kurdî tê pîrozkirin, û bal kişand ser wê rastiyê ku perwerdehiya bi zimanê dayîkê û gihîştina xizmetên giştî hîna jî ji hêla yasayî ve ne hatine gerantîkirin,bi destnîşankirina ku zaravayên Kurmancî û Zazakî di Atlasa Zimanên di metirsiyê ya UNESCO de cih digirin, pêşniyarname binpêkirinên mafên mirovan yên li xwarê bi vî awayî rêz dike:

Gülderen Varlı li gorî xala 98an ya Destûra Bingehîn û xalên 104 û 105an yên rêziknameya parlemanê daxwaza lêpirsîna parlemanê kir ku di pêşniyarê de hat xwestin ku komîsyona ku were avakirin daku van mijaran çareser bike:

*Encamên dîrokî û civakî yên siyasetên înkar, qedexekirin û cudakariyên li dijî zimanê Kurdî hatine sepandin.

*Astengiyên yasayî û îdarî yên li pêşiya perwerde û xizmetên giştî yên bi zimanê dayîkê.

*Pêşniyarên çareseriyê ji bo parastin û pêşxistina zimanê Kurdî û hemû zaravayên wê.

*Pêşniyarên siyasetê ji bo misogerkirina parastina yasayî ya mafên bingehîn yên zimanî yên welatiyên ku zimanê wan yê dayîkê ya Kurdî ye.

PUKMEDIA