Îraq tawanên rejîma berê di muzexaneyekê de belge dike

PUKMEDIA

Zîndana Nuqret Selman

Îraq hewl dide ku tawanên rejîma berê belge bike û dixwaze hemû tawanên wan di muzexaneyekê de tomar bike, şêwirmendekî Komîsyona Bilind ya Mafên Mirovan ragihand ku armanca vê pêvajoyê ew e ku tawan di xeyal û wijdanê nifşên pêşerojê de bimînin û tekez kir ku,Zîndana Nuqret Selman û Fîrqeya Pêncemîn şahidên mezinahiya tawanan in û têne tomar kirin.

Seid Ebdelî, Şêwirmendê Komîsyona Bilind ya Mafên Mirovan, ji medyaya fermî ya Îraqê re ragihand ku,binpêkirinên ku ji aliyê rejîma berê ve hatine kirin bandor li hemû beşên gelê Îraqê kirine, ji ber vê yekê em hewl didin ku tawanan belge bikin.

Derbarê armanca damezrandina mûzeyê de jî, Seid Ebdelî ragihand ku armanca projeyê ne sivakatîkirina rejîma berê ye, lê ewe ku nifşê nû bi binpêkirinên ku çêbûne were nasîn û pêşî li dubarebûna wan were girtin.

Komîsyona Mafên Mirovan dixwaze ji ezmûna welatên din sûd werbigire, ji ber vê yekê serdana çend welatan kiriye û li mûzexaneyên ku tawanên rejîmên zordar belge dikin lêkolîn kiriye.

Seid Ebdelî, şêwirmendê Komîsyona Bilind Ya Mafên Mirovan, got: Komîsyon kar dike ku baregeha fîrqeya pêncemîn veguherîne muzexaneyekê daku binpêkirinên rejîma berê belge bike.

Derbarê binpêkirinên li dijî gelê Kurd de jî aşkere kir ku Zîndana Nuqret Selman şahidê binpêkirinên ku li dijî gelê Kurd hatine kirin dimîne, hebûna gorên komî li dora girtîgehê jî belgeyek xurt ya mezinahiya tawanê ye.

PUKMEDIA