Romî:Ji bo wergirtina nasnameyê gelek malbatên Kurd xwe tomar kirine

Medya

Almaz Romî,Seroka Şaredariya bajarê Kobanê

Li bajarê Kobanê pêvajoya tomarkirina Kurdên bê nasname dewam dike ku heya niha bi sedana malbatên Kurdên ji bo mafê welatîbûnê xwe tomar kirine

Almaz Romî,Seroka Şaredariya bajarê Kobanê ya Rojavayê Kurdistanê  ragihand kuu heya niha 300 malbatên Kurd ji bo mafê welatîbûnê xwe tomar kirine û pêvajoya tomarkirinê dewam dike.

Almazê aşkere kir ku zêdetirî mehekê di ser pêvajoya tomarkirinê re derbas bûye

di serdema rejîma Beisê de hejmareke mezin ya Kurdan bê nasname hatibûn hiştin ku Kurdên bênasname gelek astengî didîtin. Nedikarîn xwendina xwe temam bikin û mal û milkên xwe li ser navê xwe tomar bikin.

Hêjayî gotinê ye ku,di serdema rejîma Beisê de bi hezaran Kurdên li Sûriyê ji mafê welatîbûnê bê par hatibûn hiştin,Kurdên ku ne welatiyên Sûriyê bûn bi navê "biyanî" an jî mektûm dihatin pênasekirin,ji mafên xwe yên sivîl hatibûn bê beş kirin,gerantîkirina mafên gelê Kurdan û naskirina hebûna wan yek ji bendên Peymana 29`ê Çileyê ya navbera Hêzên Sûriye Demokratîk (HSD) û hikumeta demkî ya Sûriyê de  bû,di vê çarçoveyê de welatîbûn ji bo Kurdên ku biyanî dihatin naskirin, hat dayîn û navendên qeydkirina welatîbûnê hatin vekirin.

PUKMEDIA