Qamîşlo: Bi hezaran kes ji bo mafê ziman derketin qadan

PUKMEDIA

Meşa li Qamîşlo

Li Qamişloyê bi hezaran xwendekar, mamoste, şêniyên bajêr ji bo mafê ziman û di destûra nû ya Sûriyeyê de mîsogerkirina mafê zimanê kurdî meşiyan.

Mamoste, xwendekar, endamên sazî û dezgehên Rêveberiya Xweser, partiyên siyasî û gelê bajarê Qamişloyê bi boneya Roja Zimanê Kurdî (15 Gulanê), ji bo mafê ziman û di destûra nû ya Sûriyeyê de mîsogerkirina mafê zimanê kurdî, meşek li dar xist. Meşê li Çerxerêya Sonî ya Qamişloyê dest pê kir. 

Xwendekar û mamoste bi cilên gelêrî beşdarî meşê bûn. Beriya meş dest pê bike hunermed Mizgîn Tahir bi xwendekaran re strana “Zimanê Kurdî” got.
Di meşê de dirûşmên “Bê ziman jiyan nabe” hatin berzkirin.

Meş li Çerxerêya Şehîdan veguherî mîtîngê. Mîtîngê bi rêzgirtina ji bo giyanê şehîdan dest pê kir û xwendekaran sirûda netewî “Ey Reqîb” xwend.
Di mîtîngê de hevseroka Desteya Perwerde û Fêrkirinê Semîra Hecelî Roja Zimanê Kurdî li xwendekar, mamoste û gel pîroz kir. Semîra Hecelî bal kişand ser ked û xebata ji bo perwerdeya zimanê kurdî û wiha got: Bi berdêlên pir giran şehîdên me bi xwîna xwe tîpên zimanê kurdî xêz kirin. Ji bo vê ev kar û xebat heta niha bi serkeftî derbas bûn. Zarokên me li dibistan û zanîngehên xwe bi kurdî xwend, îro kar û xebatên xwe bi kurdî dimeşînin. Ev serkeftineke mezin bû, ji ber ku gelek bi zimanê xwe heye.

Semîrayê bal kişand ser rewşa diyalogê ya ji bo mafê zimanê kurdî û wiha axivî: Em ê her kes ji aliyê xwe de ji bo zimanê me bikeve destûrê, xebatê bimeşîne. Em di hefteyê de 2 saetan napejirînin.
Endamê Desteya Kedkaran Şêro Şero jî 1’ê Gulanê Roja Karkeran a Cîhanê pîroz kir û wiha got: Em vê rojê li kedkarê herî mezin Rêber Apo pîroz dikin. Îro gelê me doza mafê xwe yê rewa dike. Doza mafê ziman dike. Em ê jî heta dawiyê wek kedkar doza mafê xwe yê rewa bikin.

Mîtîng bi dirûşmên “Bê ziman jiyan nabe” bi dawî bû.

PUKMEDIA/ANHA