Qubad Talebanî:Çaksaziya tomarkirina kompaniyan dibe egera geşepêdana aborî

Qubad Talebanî li Rêveberiya Giştî ya Tomarkirina Kompaniyan

Ragihandina Cîgirê Serokwezîr

Qubad Talebanî Cîgirê Serokwezîr bi amadebûna Wezîrê Bazirganî û Pîşesaziyê Kemal Muslim, bi Rêveberê Giştî yê Rêveberiya Giştî ya Tomarkirina Kompaniyan Bilind Mihemed re civiya.

Di civînê de ku roja Çarşemê 29ê Nîsana 2026an hate lidarxistin, nirxandin ka çawa pêvajoya çaksazî di rêveberiyê de, ku li gorî pîlanê di sala 2023an de dest pê kiribû, dest bi pêkanîna gavên çaksazî kiriye.

Piştî gotûbêj û nirxandineke baldar, hat dîtin ku ji destpêkirina çaksaziyan ve, pêvajoya tomarkirina kompaniyan, ku berê nêzîkî du mehan digirt û 31 pên gavan pêwîst bûn, demjimêra tomarkirina bo 24 demjimpêran hatiye kurtkirin û li ser înternetê tê tomarkirin, her wiha, xerca tomarkirinê ji bo 160 Hezar Dînarên Îraqî hatiye kêmkirin.

Çaksazî her wiha gelek hêsankarî ji bo ciwan û jinan peyda kirine û rêjeya tomarkirina kompaniyan ji hêla jin û ciwanan ve di du salên borî de zêde bûye.

Hate gotin ku danana yekîneya tomarkirina kompaniyan pêngaveke girîng e ji bo neteweyîkirina kompaniyan li herêmê û pêvajoya tomarkirina kompaniyan gelekî hêsan kiriye.

Di civînê de, Qubad Talebanî pîrozbahî li Wezîrê Bazirganî û Pîşesaziyê, Rêveberê Giştî, rayedar û hemû karmendên daîreyê kir ku plana çaksaziyê gelekî baş bicîh anîne ku wan bê cudahî û bi awayekî pîşeyî xizmeta hemû welatiyan kirine.

Her weha got: Pêvajoya çaksazîyê di tomarkirina kompaniyan de, yek ji pêngavên girîng yên çaksazîyê di kabîneya nehan de ye û dê bandorek girîng li ser pêşveçûna aborî ya Kurdistanê bike.

Qubad Talebanî soz da ku ji bo pêngava din yên rêvberiyê, ku ew jî elektronîkîzekirina hemû belgeyan e, piştgiriyê bide wan ji bo çareserkirina her pirsgirêkek ku ew rastî wan werin.
Ev yek di demekê de ye ku, zêdetirî 43 hezar kompaniya li cem daîreyê hatine tomar kirin, ku ji wan nêzîkî 15 hezar çalak in.

PUKMEDIA