Serokkomarê Îranê: Em naxwazin çarçoveya şer berfireh bikin û me êrîşî ti welatekî nekiriye

PUKMEDIA

Serokkomarê Îranê Mesûd Pizîşhkiyan

Serokê Îranê Mesûd Pizîşhkiyan roja Yekşemê piştrast kir ku welatê wî naxwaze qada şer berfireh bike û êrîşî ti dewletê nekiriye.

Di daxuyaniyek çapemeniyê de Pizîşkiyan got "Helwesta me ya bingehîn li ser parastina aştî, aramî û ewlehiyê li herêmê ye. Wî zelal kir ku "Îran naxwaze qada şer berfireh bike, dest bi ti şer an pevçûnan nekiriye û êrîşî ti welatekî nekiriye.

Amaje bi wê jî kir ku welatê wî niyeta êrîşê li ti welatekî nake û mafê xwe yê yasayî û rewa yê parastina xwe bi kar tîne. Trump mafê wî tune ku mafên gelan înkar bike an jî îdîa bike ku Îran nikare ji bernameya xwe ya nuklerî sûd werbigire.

Wî berdewam kir, Dijmin di gihîştina armancên xwe de têk çûye, qanûna navneteweyî binpê kiriye û êrîşî binesazî, dibistan û nexweşxaneyan kiriye.

Wî destnîşan kir ku daxuyaniyên dijmin ên di derbarê wêrankirina şaristaniya me û vegerandina Îranê bo Serdema Kevirî niyet û armancên êrîşkaran eşkere dike.

PUKMEDIA