Li gundê Neyrebiyê çend ciwanên Kurd hatin girtin

ANHA

Gundê Neyrebiyê ya Herêma Şehba

Hêzên girêdayî hikûmeta demkî li gundê Neyrabiyê yê li herêma Şahbayê ya gundewarê Helebê di encama serdegirtin li ser malên welatiyên Kurd kirin û hejmarek Kurd hatin desteserkirin.

Hêzek hikûmeta demkî ya Sûriyê, ku ji çar otombêlan pêk tên ku 20 endam têde bûn, duh, ew ketin nava gund û bi behaneya ku bi Rêveberiya Xweser re kar dikin avêtine ser gelek malên welatiyên Kurd.

Malên ku hatine lêgerîn, yên van welatiyan in:

1-Ebdulcelîl Îdan, 55 salî.

2. Hekîm Şahîn.

3. Şahîn Hekîm Şahîn,23 salî, ku hatiye girtin.

4. Îmad Ebdul Cewad Welo 45 salî, hat girtin.

5. Mihemed Nûrî Miho,36 salî.

6. Ebdul Cewad Ebdul Qadir Welo,63 salî.

7- Ziyad Ehmed Ebdul Qadir, 40 salî.

8-Xalid Ehmed Ebdul Qadir, 46 salî.

9-Salah Mihemed Ebdul Qadir,45 salî.

Li gorî Rêxistina Mafên Mirovan ya Efrîn-Sûriyê, di encama vê operasyonê de Îmad Ebdul Cewad û Şahîn Hekîm hatin girtin.

Hêjayî gotinê ye ku, Gundê Nirbiye gundekî Kurdan e ku li herêma Şahbayê ye û nifûsa wê nêzîkî hezar kesin.

Ew gundekî Kurdî ye û bi resentiya xwe Kurd e, navê xwe ji eşîra Dîna Dina yan (Dinadî) digire, eşîrek ku ji demên kevnar ve bi reseniya xwe ya Kurdî tê nasîn,gundî ji yek malbatê ne, malbata (Welo) û gundî  hemû pismamên hevin.

Ev gundê Kurdan xwedî bedewiyeke zêde û xwezayeke ecêb e, û li nêzîkê wê hin deverên arkeolojîk ên kevnar yên wekî şikeft û xanîyên kevin hene,gund bi avhewaya xwe ya nerm û hebûna çiyayîyên bilind di nav erdên cîranê gund de jî tê nasîn.

Gund bi çandiniya xwe, bi taybetî bi çandina Patata, Pîvaz, Sîr û her cûre sebzeyan navdar e,her wiha ji bo avdanê ava wê ya zêde heye,wekî din, bi xwedîkirina ajalan wek pez û bizinan tê nasîn.

PUKMEIDA