Serokên welatan pîrozbahî li Nîzar Amêdî dikin

PUKMEDIA

Nîzar Amêrî serokkomarê Îraqê

Di 11ê Nîsana 2026an de, Encûmena Nûneran a Îraqê di pêvajoyek demokratîk de Serokkomarê nû hilbijart. Di wê çarçoveyê de serokên dewletan pîrozbahî li serokê nû yê Îraqê kirin û serkeftin jê re xwestin.

Serokê Fransayê Emmanuel Macron piştgiriya welatê xwe ji bo Îraqê dubare kir

Serokê Fransayê Emmanuel Macron pîrozbahî li Nîzar Amêdî kir û piştgiriya berdewam a Parîsê ji bo Îraqê ragihand.

Macron di peyamekê de li ser malpera civakî X nivîsand: Ez bi germî pîrozbahiyê li Nîzar Amêdî dikim ji bo hilbijartina wî wekî serokkomarê Îraqê.

Wî her wiha amaje bê wê jî kir: Aramiya Îraqê, berdewamiya saziyên wê û bikaranîna tevahî ya serweriya dewletê ji her demê zêdetir ji bo welat û herêmê girîng in, û Fransa dê her gav li kêleka hevkarê xwe yê Îraqî be.

Pizîşkiyan, Îraq û Îranê wek du welatên bi bandor li navçeyên bi nav kir

Serokê Îranê Mesûd Pzîşkiyan peyamek pîrozbahiyê ji Nîzar Amêdî re şandiye û amaje bi têkiliyên kûr ên dîrokî, çandî û olî yên di navbera her du welatan de kir.

Pizîşkiyan Îraq û Îran wekî du welatên bi bandor ên li deverê û cîhana Îslamî bi nav kir û got: Ez piştrast im ku hevkariya di navbera her du welatan de dê di bin serokatiya we de bêtir pêş bikeve.

Putin hêvî dike ku têkiliyên di navbera Bexda û Moskowê de xurt bike

Serokê Rûsyayê Vladimir Putin pîrozbahî li serokê nû yê Îraqê kir û jê re hêviya serkeftinê xwest.

Putin hêvî kir ku hewldanên Nîzar Amêdî têkiliyên dîrokî û dostane yên di navbera Îraq û Rûsyayê de, ku demek dirêje berdewam dikin, xurttir bikin.

Duh Şemiyê 11/4/2026 bi amadebûna 252 endamên parlementoyê, rûniştina encûmena parlemanê bo hilbijartina serokkomar birêve çû, ku têde  Nîzar Amêdî, namzedê yekane yê Yekîtiya Nîştimanî ya Kurdistanê , ji aliyê encumenê ve wekî serok komar hat hilbijartin.


PUKMEDIA