Reuters: Washington û Tehran planeke wergirtin ku agirbest û rêkeftineke dawî têde ye

Reuters

Tehran

Çavkaniyek agahdar îro Duşemê got ku Îran û Dewletên Yekbûyî yên Amerîkayê planek ji bo bidawîkirina dijminatiyê wergirtine, ku divê îro jî bikeve ware cîbicîkirinê û bibe sedema vekirina Tengava Hurmizê.

Reutersê li ser zara çavkaniyê got ku Pakistanê çarçoveyek ji bo bidawîkirina dijminatiyê amade kiriye, ku bi şev ji Îran û Dewletên Yekbûyî yên Amerîkayê re hatiye şandin ku li ser nêzîkatiyek du-qonaxî ye, ku bi agirbestek tavilê dest pê dike û dûv re peymanek berfireh çêdibe.
Çavkaniyê got, Divê îro li ser hemî hêmanan li hev bikin, û zêde kir ku têgihîştina destpêkê dê bibe wek yadeştnameyeke têghîştinê bi rêya Pakistanê were dariştandin, ku teke kenala pêwendiyê ye di danûstandinan de ye.

Li gorî çavkaniyê, serokê fermandariya artêşa Pakistanê bi Cîgirê Serokê Dewletên Yekbûyî yên Amerîkayê J.D. Vance, nûnerê serokatiya Amerîkayê Steve Witkopf, û Wezîrê Derve yê Îranê Abbas Îraqcî re axaftinên telefonê yên cuda pêk anîne.

Çavkaniyê, ku bi pêşniyaran agahdar e, destnîşan kir ku peymana dawîn a pêşniyarkirî dev ji bernameya çekên navokî ya Îranê berdide, rakirina cezayan, û berdana milkên wê yên cemidî vedihewîne. Wî her wiha got ku ger ev plan were pejirandin, dê bibe sedema agirbestek tavilê û vekirina Tengava Hurmizê, û di nav 15 heta 20 rojan de lihevkirinek dawî were kirin.
Li Tehranê, rayedarekî Îranî ji Reuters re got ku welatê wî pêşniyarek Pakistanî wergirtiye û "lêkolîn dike" û got jî Emê Tengava Hurmizê li hember agirbestek demkî venekin.

Rayedarê Îranî rave kir ku Tehran bawer dike ku Amerîkayê ne amade ye ku bigihîje agirbestek daîmî.

Serokê Amerîkayê Donald Trump di hevpeyvînekê de bi Axios re eşkere kir ku Amerîkayê bi Îranê re "di danûstandinên cidî de ne" û dibe ku beriya roja sêşemê ya ku wî destnîşan kiriye, peymanek were çêkirin.

Trump got jî derfetek baş heye, lê heke ew peymanek çênekin, ez ê her tiştî li wir talan bikim.

PUKMEDIA