Fraksiyona YNK êrîşa ser mala Nêçîrvan Barzanî şermezar dike

PUKMEDIA

Logoya Yekîtiya Niştimanî ya Kurdistanê

Fraksiyona Yekîtiya Niştimaniya Kurdistanê (YNK) li Parlamena Îraqê derbarê êrîşa li ser mala Nêçîrvan Barzanî daxuyaniyek belav kir ku têde hatiye:

Em bi fikar û dilgiraniyek mezin nûçeya êrîşa li ser mêvanxaneya Serokê Herêma Kurdistanê, Birêz Nêçîrvan Barzaniyê li Duhokê dişopîninv êrîş ne tenê êrîşek li ser kesayetiyek neteweyî ye, lê di heman demê de êrîşek eşkere li ser ewlehî û serweriya Îraq û Herêma Kurdistanê ye. 

Ev êrîş binpêkirinek eşkere ya hemû norm û yasayan e, û hewldanek bêhêvî ye ji bo têkbirina ewlehiyê li deverên ewle yên Duhokê.

Di heman demê de, ew kiryarek terorîstî ye ku bi tu hincetan nayê rewakirin, û armanca wê ya sereke belavkirina tirsê di nav welatiyên aştîxwaz de ye.

Em daxwaz dikin ku hikûmeta federal û dezgehên ewlehiyê yên peywendîdar lêpirsînek bilez û zelal vekin daku kesên têkildar eşkere bikin û wan bînin ber dadgehê da ku sizayê xwe yê dadperwerane bistînin.

Fraksiyona Yekîtiya Niştimanî ya Kurdistanê

28/03/2026

PUKMEDIA