Marco Rubio:Şerê Îranê dê çend hefteyan bidome

Sky News

Wezîrê Derve yê Amerîka Marco Rubio.

Marco Rubio Wezîrê Derve yê Amerîka duh roja Înê ragihand ku Amerîka hêvî dike ku operasyonên xwe yên leşkerî yên li dijî Îranê di nav çend hefteyan de bi dawî bibin, ne bi mehan, û Washington dikare bêyî bikaranîna leşkerên bejayî hemû armancên xwe bi cih bîne.

Rubio piştî hevdîtina bi hevpîşeyên G7 re li Fransa ji rojnamevanan re got: Washington wê di operasyonê de li ser an jî li pêş bernameyê ye, û hêvî dike ku di wextê guncaw de li vir biqedîne - mesele çend hefteyan e, ne bi mehan.

Her weha got: Amerîka dikare bêyî leşkerên bejayî bigihîje armancên xwe jî, wî pesend kir ku ew hin ji wan li herêmê dişîne "daku serok vebijarkên herî zêde û derfeta herî zêde bide ku rewşên awarte sererast bike, eger ew derkevin holê.

Rubio bi wezîrên derve yên G7 re li ser egera ku Îran, tewra piştî ku pevçûn bi dawî bibe jî, hewl bide ku bacên barkirinê bi riya Tengava Hormuzê bisepîne gotûbêj kir û got:Welatên Ewropî û Asyayî yên ku ji bazirganiya bi riya avê sûd werdigirin divê beşdarî hewildanên ji bo ewlekirina derbasbûna azad bibin, û girêdayîbûna Amerîka bi bazirganiyê kêm bikin.

Washingtonê bi hezaran leşkerên Marines şandiye herêmê, ku ya yekem dê di dawiya Adarê de li ser keştiyek êrîşê ya mezin ya amfîbî bigihîje, her wiha tê payîn ku Pentagon bi hezaran leşkerên hêzên esmanî dê bişîne.

Belavkirina leşkeran fikaran derxistiye holê ku şerê ku Amerîka û Îsraîlê di 28ê Sibatê de bi êrîşên asmanî dest pê kir û rêberê bilind yê Îranê û berpirsên din yên payebilind kuştin, dikare veguhere şerekî bejayî yê dirêj,bersiva Îranê, bi lêdana armancên Amerîka û Îsraîlê li herêmê û her weha armancên sivîl li welatên Erebî yên Kendavê û keştîvaniyê, bazirganiya cîhanî ya wuze û kelûpelên din asteng kiriye, û tirsa ji bilindbûna bihayan û krîzê zêde kiriye.

Serokê Amerîka Donald Trump xuya dike ku dixwaze şer biqedîne, û vê hefteyê tekez li ser tiştê ku wî wekî danûstandinên berhemdar yên bi armanca çareseriyek dîplomatîk bi nav kiriye, tevî îdiayên dubare yên Tehranê ku çi danûstandinên bi vî rengî dest pê nekirine, kir.

Roja Pêncşemê, Serok Trump demek 10 rojan dirêj kir daku Îran Tengava Hormuzê ya dorpêçkirî ji nû ve veke an jî bi êrîşên li dijî tora wuze ya sivîl re rû bi rû bimîne.

Nûnerê taybet yê Serok Trump Steve Witkoff got ku Amerîka hêvî dike ku di nav hefteyekê de bi Îranê re hevdîtinan bike û ew li bendê ye ku Îran di demek nêzîk de bersivek ji pêşniyara 15 xalî ya Serok Trump re ji bo bidawîkirina şer bide.

Witkoff got: Ji bo Amerîkayê xetên sor yên zelal hene, di nav de divê Îran Uranyûmê dewlemend neke û ew jî 10 hezar kîlogram madeyên dewlemendkirî yên embarkirî radest bike.

Medyaya Îranê ragihand ku roja Înê dereng êrîşî navenda lêkolînê ya ava giran ya Îranê û kargeheke ku Uranyuma keka zer hildiberîne kirine û got: Ji herdu êrîşan jî çi rijandina radyasyonê yan jî xeterek çênebûye.

Her wiha raportên êrîşekê li ser santrala Nukleerî ya Buşehrê jî hebûn, ku medyaya Îranê got:Çi qurbanî yan zirarên mezin çênebûne.

Wezîrê Derve yê Îranê Ebas Eraqçî li ser (X) got ku Îsraîl, bi hevrêziya bi Amerîka re, li du kargehên pola û santralek karebayê jî xistiye.

Eraqçî, bi karanîna kurtenivîsa serokê Amerîka, got:Êrîş li dijî dema dirêjkirî ya POTUS ji bo dîplomasiyê ye,Îran dê ji bo tawanên Îsraîlê bedelên GIRAN bide.

Tê ragihandin ku pêşniyara Amerîka, ku du roj berê bi riya Pakistanê hatiye şandin, daxwazên ji hilweşandina bernameyên Nukleerî û mûşekî yên Îranê bigire heya devjêberdana riya bazirganiyê ya herî girîng ya cîhanê ji bo dabînkirina wuzeyê dihewîne.

Çavkanî: Reuters

PUKMEDIA