Rojnamevanên Efrîn:Hikûmeta Sûrî bê denge li hemberî êrîşên ser al û Kurdan

Medya

bajarê Efrîn

Hejmarek rojnamevan û çalakvanên medyayê yên ji herêma Efrîn'ê roja duh roja înê rêkefta 27'ê Adara 2026'an daxuyaniyek dan û nûçeyên medyaya fermî û ya hikûmetê yên li ser êrîşên ku di 20 û 21'ê Adara 2026'an de li herêma Efrîn'ê, li ser riya Heleb-Efrîn'ê û li bajarê Helebê li dijî sivîlên Kurd û ala Kurdî pêk hatin, şermezar kirin.

Daxuyaniya rojnamevan û çalakvanên medyayê yên herêma Efrîn

Di daxuyaniyê de hatiye:Em, komek rojnamevan û çalakvanên medyayê yên herêma Efrîn, bi tundî şermezarkirina nûçeyên medyaya fermî û hikûmetê yên li ser bûyerên ku di 20 û 21ê Adara 2026an de li herêmê rû dane û êrîşên belgekirî yên bi belgeyên deng û vîdyoyê yên li dijî niştecihên Kurd û ala Kurdî li Efrîn, li ser riya Heleb-Efrîn û li bajarê Helebê diyar dikin.

Ev nûçeyên medyayê mînakek zelal ya paşguhkirina binpêkirinan û heta gurkirina gotara sorkirina kînê nîşan daye, ku emê di xalên jêrîn de rave bikin:

1- Navenda Medyayê ya Efrînê, ku bi rêveberiya herêmê ve girêdayî ye, û rêveberiya medyayê ya herêma Efrînê, êrîşên li ser niştecihên Kurd an êrîşên li ser ala Kurdî di 20 û 21ê Adarê de nexistin rojevê, di heman demê de wan ji bo komên teşwîqkar yên ku ketin navenda bajarê Efrîne, wekî "niştecihên bajarê Efrîne" pêşkêş kirin.

2-Medyaya dewletê, wek Ajansa Nûçeyan a Sûrî û SANA, êrîşên li dijî niştecihên Kurd û ala Kurdî li Efrîn û li ser rêya Heleb-Efrînê paşguh kirin, û tenê van tevgeran wekî "tevgerên gelêrî yên ku hêrsa xwe nîşan didin" di bersiva bûyera daxistina ala Sûrî li bajarê Kobanî de bi nav kirin, tevî ku êrîş berî vê bûyerê li Efrîn dest pê kiribûn.

3- Tevî hebûna rêveberê peywendiyên medyayê li parêzgeha Helebê, Mutez Xetab, di 21ê Adara 2026an de li navenda bajarê Efrîn bû û vîdyoyek ji bajêr weşand jî, wî behsa êrîş û binpêkirinên ku di heman demê de û li ber çavên Hêzên Ewlekariya Navxwe diqewimin nekir, û wî tenê tevgerên teşwîqker wekî beşek ji "hêrsbûna gel" bi nav kir.

4- Daxuyaniya parêzgarê Helebê Ezam Xerîb çi behs li ser êrîşên li ser niştecihên Kurd yan ala Kurdî li Efrîn, li ser rêya Heleb-Efrîn û li bajarê Helebê nekiriye, li gorî daxuyaniya wî ya di 21ê Adara 2026an de, spasiya komên teşwîqkar ji bo "hestên wan yên hestyarî" kiriye.

Em, wekî rojnamevan û çalakvanên medyayê, piştrast dikin ku ev nûçeyên medyayê rastiyê nîşan nadin, binpêkirinên belgekirî paşguh dikin, û li şûna rûbirûbûna wan, beşdarî rewakirina gotinên nefretê û handanê dibin.

Her wiha em bang li rayedarên peywendîdar û dezgehên medyayê yên fermî dikin ku berpirsiyariyên xwe yên pîşeyî û exlaqî bicîh bînin, ji bo ragihandina rastiyê wekî ku heye bixebitin, û ji her gotin an nûçeyek ku dikare aloziyan gur bike an binpêkirinan rewa bike dûr bisekinin.

PUKMEDIA