Ji ber lehiyê li Hesekê ziyan gihîştiye zêdetirî 200 malan

ANHA

Dîmenê lehiyê li hesekê

Li bajarên Hesekê, Zirgan û Til Temirê ji ber barana zêde nêzî 200 mal ziyan dîtine û şaredariyên gel û tîmên rewşên awarte karên xwe yên vekirina rêkan û rizgarkirina malbatên ku asêmayî ne didomînin.

Şaredariyên Hesekê û Til Temirê bi tevkaiya Asayîşê û tîmên rewşên awarte ragerên xetimî û pirên li ser çeman paqij dikin û satirên axî bilind dikin daku malên nêzî çeman biparêzin her wiha malbatên asêmayî dibin cihekî ewle.

Nûredîn Ehemd Parêzgerê Hesekê û hin berpirsyar serdana deverên nêzî çemê Xabûrê yên ji ber lehiyê ziyan dîtin, kirin û tîmên pispor araste kirin ku rêkarên parastina şêniyan xurt bikin. 

Rêveberê çavkaniyên avê li Hesekê Ebdulezîz Emîn daxuyanî da dezgehên çapemeniyê agahî da ku rêjeya ava çeman ji ber baranê zêde bûye û gur diherike her wiha hişyarî da ku gengaz e di demjimêrên pêş de lehî rabe.

 Ebdulezîz Emîn got:Leza herikîna çemê Xabûr di demjimêrekê de 50 km derbas kiriye û daxwaz ji malbatên nêzî qeraxên çemê Xabûr kir ku gengaz e lehî rabe û divê tedbîrên xwe bigirin.

Ji ber rêjeya ava çemê Xabûr bilind bûbû li rojavayê bajarê Til Temir riya navneteweyî M4 bin av bû û ji ximzetê derket.

PUKMEDIA