D. Yûsif Goran: Şehîdên Helebce û Kurdistanê serbilindiya me ne

PUKMEDIA

Yusif Goran endamê Mekteba Siyasî û Berpirsê Navenda Lêkolînan a Yekîtiyê

Dr. Yûsif Goran endamê Mekteba Siyasî û Berpirsê Navenda Lêkolînan a Yekîtiyê, di salvegera karesata Helebceyê de peyamek belav kir û ragihand: Karesata Helebceyê bîranîneke xemgîn û bejareyekî neteweyî ye ku tu carî ji hişê gelê me, tevgera kurdayetiyê û mirovahiya bi wijdan dernakeve û birîneke kûr e ku hîn nehatiye dermankirin.
Deqê peyamê:
Di salvegera tawanê kîmyabarana Helebceyê de, em ser rêzê li ber pênc hezar perperokên bêguneh ên gelê me ditewînin ku di 16ê Adara 1988an de ji aliyê rêjîma Beis ve hatin kîmyabaran kirin û şehîd bûn.
Karesata Helebceyê bîranîneke xemgîn û xebereke neteweyî ye ku tu carî ji hişê gelê me, tevgera kurdayetiyê û mirovahiya bi wijdan dernakeve. Ev birîneke wisa ye ku nayê dermankirin heta ew roja ku Helebce û tevahiya Kurdistanê dighêjin qonaxa dawî ya rizgarî, aramî û avadaniyê, û qerebûya herî kêm a zilm û zora rêjîma Beis tê standin.

Şehîdên Helebceyê û hemû şehîdên Kurdistanê cihê şanaziya neteweya me ne. Di vê gavê de bi serbilindî ve ligel Helebce û Helebceyiyan disekinin û bi hev re gavan diavêjin ber bi paşerojeke geştir û biratiya bêtir di navbera gelê me de.
Nemirî ji bo şehîdên Helebceyê û qurbaniyên jînosaydê gelê me li seranserê Kurdistanê.
Dr. Yûsif Goran
Endamê Mekteba Siyasî û Berpirsê Navenda Lêkolînên Yekîtiya Niştimanî ya Kurdistanê


PUKMEDIA