Bi nameyek ji serok Mam Celal Zaxo serhildan kir

PUKMEDIA

Zaxo

Di 13'ê Adara 1991'an de gelê Zaxoyê li dijî rêjîma Beisê serî hilda û tevlî parêzgeh, bajar û bajarokên din ên Kurdistanê bûn ku li dijî rêjîmê ya hilweşiyayî serî hildan.

Çirûska serhildanê di 5’ê Adara 1991’an de li bajarê Ranyeyê ku ji wê demê ve weke “Deriyê Serhildanê” tê binavkirin, bajar û hemû herêmên derdora wê hatin rizgarkirin û di rojên piştî wê de serhildan li herêmên din belav bû.
Di destpêka serhildana navçeya Zaxoyê de, plan û mekanîzmayên dabeşkirina hêzên Pêşmerge ji bo êrişa ser baregehên rêjîma Baasê, li navçeya Darkerê hat lidarxistin.

Wek ku bi azadkirina hemû bajar û bajarokên Herêma Kurdistanê qewimî, Yekîtiya Niştimanî ya Kurdistanê jî di serhildana gel a navçeya Zaxo de roleke sereke lîst.
Di civîna yekem de peyama serokê rihmetî Mam Celal giheşt girseya serhildanê ya navçeya Darkerê têde daxwaz ji girseya gel kir ku rabin ser piyan û navçeya Zaxo ji bindestiyê û zulmê rizgar bikin.
Piştre serhildana navçeya Zaxoyê li navçeya Darkerê di 13ê Adara 1991ê de dest pê kir û hemû taxên navçeyê hatin rizgarkirin û êvara heman rojê bajar ji bermahiyên rêjîma Baas a hilweşiyayî hat paqijkirin.

PUKMEDIA